bb過左預產期,都未出世,點算?

你放鬆d先啦....預產期,只係一個大約的日子, 有日可以當日生, 但大多數人都會早過或遲過呢個日期.....
基本上, 過咗預產期7日後,bb都唔自動自覺,就要催生, 因bb太大個同留係媽咪肚太耐對佢反而無好處....
你如果你睇閞私家的, 要問吓醫生會點安排; 如是政府的, 你最後一次產檢後,會比定一張入院紙你,以防bb遲到唔出來時可入院催生..
你而家多d出去活動吓, 行吓花園, 做d孕婦做的柔軟體操, 心情輕鬆d...唔好自己嚇自己....bb好快會出來見你了....


2007-10-12 23:10:20 補充：
食涼的食物係去胎毒, 或者都可以叫幫下易D生出, 但呢個早係7-8個月時就要食....臨生食,好似太遲了!!

2007-10-12 23:17:26 補充：
另外,如果在家發現穿手羊水,最好盡快入院,反而見紅就可以慢D都唔怕,因為一出水,若水流走太快,BB會難D出來,二來BB如連臍帶都流出來時就對BB不好,一來缺氧二來細菌感染;當然出多血都要盡快入院! 唔好理洗頭沖涼啦...另你最好有CALL 白車的電話同清楚你要生的醫院同你家要多少時間!! (熱 線 或 直 撥 消 防 處 救 護 車 調 派 中 心 電 話 ： 2735 3355 要 求 緊 急 救 護 服 務)當然帶定走路袋, BB的東西可以遲D帶去....

2007-10-12 23:18:13 補充：
除很緊急外,最好唔好叫白車啦!!TAKE CARE.

首先唔好太緊張.
我生囡囡時都遲了一星期. 親友建議嘗試做點輕量活動, 例如慢步上樓梯.
安全起見當時由丈夫扶住我的, 只行了三層樓梯級就轉乘電梯返回16樓家中. 不知是否巧合, 第二天就作動了. 生產過程十分順利.
你放心啦, 因為懷孕後期是bb腦部發育期, 一般足月或過期出世的bb都較足磅好湊, 無咁扭計.同聰明d架!

預產期過一個星期都不無需擔心,你應該是第一胎(可能是女嬰),所以會遲少少。
郁動少了是因為她已經成熟,胎盤空間不夠她作太太郁動。醫生有否跟你說嬰兒已經轉了身(頭部已轉向下方)如果有,嬰兒生產日子不遠,你最好預備日用品,等待入院生產。
如果你在家中穿了羊水也不要怕,緊記放鬆,你還有時間到醫院的(有些產婦會先洗頭沖涼, 因為生產後未來數天都不能洗頭,怕會有頭風)。
飲方面,可吃西瓜,飲豆漿芝麻糊之類。

你係邊生啊
多數最後一次產前檢會比左一個期你番去
多數都係你預產期遲一日or兩日,有可能要吹生
你不過再去睇醫生啦
有時太遲都唔得架
你先要放鬆心情
緊張又會有d影響

跟據上一輩和一些過來人的說法呀...
在生之前多吃點涼的食物....(例如 : 綠豆沙...)
在生的時候會更容易呢...或會早d 生...(但千萬不要吃過量呀...)
bb 過左預產期...都很普遍的...不要太擔心...
保持心境開朗...多點摸下bb...同佢傾下計...
郁得少左可能係因為入面已好窄...
但如果完全唔郁或有什麼異樣就要即刻睇醫生啦....
最緊要聽醫生話呀...
醫生認為有需要的話...(例如bb太大個)會叫你入醫院"吹"生呢...

祝你生個健康既bb 呀!!

首先放鬆d......有時系會遲少少..幾天無問題的!!!!
你有覆診時間的是嗎??跟時間覆診..
到時醫生會安排入院崔生..你放心啦...
放鬆心情等待bb來臨...
記得執定袋衣服隨時入院就ok啦