Want to buy a 村屋.

你心目中要邊區先? 沙田, 馬鞍山, 荃灣, 西貢, 元朗, 上水, 大埔等都有...我買咗西貢, 講真好舒服, 但買完後的裝修, 水電, 電器都要諗好耐至諗好,同一般市區樓唔同, 有晒標準, 唔使諗. 咁講啦, 地下如有花園你要清楚係咪入契, 中間嗰層就只得露台, 頂層就有天台, 地下同頂層可以同中層差15-25%, 睇乜嘢景都差好遠價錢, 要留意地下嗰層出面有屎渠, 一年半載要搵人吸吓, 如果塞咗, d臭臭有機會流入屋, 中層無特別, 頂層要留意天台我隔熱同漏水, 做好d住耐咗都安心d, 其實買本樓盤什誌睇吓, 有興趣打去地產代理度問吓, 唔使$$, 啱咪睇吓囉, (留意登出d價錢有d唔係真, 吸引你去問, 去睇, sell你, 你要堅持番, 自己真係鍾意至買) 慢慢睇多d, 各區各有特色, 記住睇唔使$, 睇多d比較吓

有無諗過買村屋o既唔好之處? 好多人因為想養大狗, 偏靜d.....而買村屋, 其實唔係好多銀行接受村屋按揭, 會做o既利率都比私人樓高d, 太舊o既更加唔考慮借錢俾你, 無完善管理. 仲有, 如果你住厭左或想放樓, 個價一定低過買入價30%或以上, 除非交通好方便, 景觀好好之類..... 其實可先租住睇吓適唔適應, 考慮清楚至好決定