想自製男友生日佈置!!!!!!!!!!!!!!!!!!!!!可以點??

首先睇你男朋友鍾意乜嘢啦，例如佢鍾意snoopy，就上網search好多snoopy相關嘅圖片，print出嚟剪好，大大細細貼喺周圍，揀一隻淨得形狀都知係乜嘅print大張啲（例如2張A3紙咁大）貼落張色紙（或者同一張閃包裝紙，citysuper嘅靚啲）度，剪完反轉用冇print嗰面，前面再用另一張色紙寫"邊個邊個生日快樂!" 再玩大啲就先貼落foamboard（有啲書局賣1Mx1/2M $44）一齊cut，難度就高啲。啲嘢點擺就視情况啦，有啲似fans整嘢俾偶像嘅大張紙牌咁，用幾多色紙（有冇燈仔）就豐儉由人。
重點唔係整得幾靚，而係有用心思諗過，知道佢鍾意乜嘢公仔乜嘢顔色，唔駛用太多錢但睇得出用咗時間同心思，你男朋友一定會好感動！
如果再有心機同時間嘅話，可以整paper craft俾佢做生日禮物，（或者整定下年送俾佢）完全唔識嘅話就揀啲簡單嘅，當然越靚就越難整啦！
以下有個網址可以click入去睇吓，95%以上唔駛錢download，雖然多數係日文網站（都有一兩個香港同台灣網）但看圖click入去撞都撞到。
浜永の特選 http://www.d1.dion.ne.jp/~hamanaga/
分晒種類，係我見過嘅paper craft link網最易明嘅。

祝你同你男朋友有個難忘嘅生日！

小店買d花花佈置
買埋蛋糕可樂 200有找