如果bb同媽媽一起睡是不是真的好危险架？

唔怕一萬, 只怕萬一
千萬不要和BB同睡
初為人母好攰好攰, 自己瞓著左就真係咩都唔知, 唔好高估自己醒瞓的能耐, 只要一次的意外, 就抱憾終生...
之前有個自己做護士的母親, 就是高估自己的醒瞓能力, 也恃著自己有醫護常識, 因為要餵人奶又懶起身, 最後都係自己壓死自己個BB.
BB瞓慣大床, 的確好大機會唔肯瞓番落自己張BB床... 因為BB習慣了某個環境和氣味, 些少細微的改變, BB都唔接受...
我兩個小朋友都係瞓BB床, BB床就係隔離, 起一起身去睇佢揍佢已經好方便, 實在唔需要同BB同床...
如果, 係如果真係要和BB同床, 只可以間中及一段好短時間, 而且你和BB中間要用一個高枕頭隔開, BB未識轉身, 唔會碌落地, 而中間有個枕頭做緩衝區... 不過始終都有潛在危險... 最好唔好同床...

我覺得其實同bb睡係幾方便, 本人是同bb睡的, 不過有時都會不小心地隻手打到佢, 不過真的很睇你個人, 因為不是每個人都睡得好定, 如果一覺唔覺壓著bb就唔好啦.現時有一些放在大人中間的藍,可以安全地放在一起睡,你可以買一個回來用,不過我無買, 現家bb都自己彈開睡, 所以我太遲發現, 如果我早知有我一定買, 大家又放便又安全.

千奇唔好, 因為喂人奶都幾累, 訓訓下就唔知架啦, 就算唔責到, 你張被蓋住佢焗親都唔好啦! 你怕起身咪泵定d奶放係雪櫃, 半夜個幾餐叫人幫你喂啦, 坐月期間一定要休息好, 唔係日後好多病, 人都弱d. 同我同房生個個女人咪係第一胎坐月時病左囉, 第二胎一有就入院安胎啦 (肚都未見呀). 雖然初 為人母好想事事都親力親為, 不過岩岩生完真係唔得囉, 為左bb 日後, 你而家要好好養好身體, 如果第日成日病, 你想抱下bb 都唔得啦, 會傳染俾佢添.
而且唔好博啦, 係就話得幾個人中招, 但係你都唔想成為一份子架! 過多兩三個月bb仲痴身, 到時訓都無得訓呀.
仲有要訓練bb獨立, 如果可以兩三個月就俾佢獨立一間房訓.... (我失敗左, 要等到兩三歲先可以了), 我bb而家一歲啦, 日日都要痴住我訓, 又驚自己責到佢, 又驚佢轆落床 (我張床有5呎闊, 一樣試過轆落床), 我等佢係我床訓著 (我自己扮訓覺, 一定唔可以訓, 所以我叫我老公睇住我有無真係訓著), 我就抱番佢上床仔, 尋晚係我第一次真係訓著, 好彩唔係好耐咋, 我責住佢只腳仔. 好危險! 是旦整親邊到都唔好啦, 唔好同佢一齊訓啦!

無論你張床是何size, 与bb同床而睡始終有危機!
正因為產婦生理上渴求休息, 警覺性自然較低, 無咁醒瞓. 所以除了喂人奶外, 其餘育兒工作暫且請家人盡量代勞(尤其坐月初期), 日夜都應爭取休息, 待你體質漸漸回復才慢慢接手任重道遠的育兒工作囉. 你媽媽咁愛鍚你一定樂意效勞, 還有bb的新丁爸爸更應分擔分享照顧新成員.
bb与成人同床睡發生意外, 時有所聞, 因此不應貪一時之快而後悔莫及. 資料顯示, 小孩意外多發生在五歲前的家居意外, 家長有負責確保家居安全. 慨然已買bb床, 就讓小寶寶在那小天地安睡吧.把bb床放在你床邊就方便你照顧囉.
你們的小天使快將降臨, 誠意祝願bb健康趣緻, 快樂成長!

你是否一個醒瞓嘅人, 如果瞓咗就成隻死豬咁就一定唔得! 仲有, 床上面唔可以有多餘雜物, 但係e+天氣開始涼..
其實mama同bb一齊瞓係天性黎架, 唔係你懶或者有罪..好多外國嘅書都教同bb瞓架!
但係就一定要好小心囉! 做每樣嘢都有危險架, 食奶都可以出事啦~唔通唔食?

我自己就喺bb未滿月之前, 經常同bb瞓, 亦都張同一番說話講俾另外一個mama聽.. e+大家個b都六個幾月, 健康快樂!

當佢大少少, 戒咗夜奶, 你就可以俾佢瞓番自己張床, 無乜太大問題~

有本書話:一年總有幾單新聞話同mama瞓出事, 有無諗過全世界咁多bb同mama瞓, 就得嗰幾單, 機會其實好細好細! 每日都有交通意外, 但咪一樣有人jar車! 其實好多時都係bb本身有毛病or mama真係唔小心~

唔使咁擔心, 順住mama嘅直覺就無問題架喇!

bb 有機會被大人壓死, 每年都有類似個案發生過

bb 亦可能會跌落地. ( 我相信你瞓果張 QUEEN SIZE 床唔會沒有圍欄吧 ! ^^" )
若床靠牆而 bb 睡裡面, 轉身時 bb 撞牆亦會好偒嫁 !

有好多家庭因為經濟能力問題, 又可能屋企地方細, 才無 bb 獨立床,
你既然有何不好好利用它呢 ??

睇下新聞la
同bb 瞓好危險架

唔好同 bb 訓呀!!
就算你訓覺點唔反訓都好, 你都有可能會打到 bb 架嘛!!!
仲有 d 被呀, 你如果唔覺意整左張被上 bb 度, 會侷死佢囉
你想自己唔方便 d 要下下走落床餵奶定係 take risk 整死個 bb 呀???

你會壓死佢架

你會唔會成日轉黎轉去架？