補中文？邊個好？

我建議你補周勤才, 因為佢係網友同同學之間的口碑不錯, 而且絕少上video. 就算周勤才唔黎, 都係d 助教真人上, 聽人地講話佢d 助教都不俗, 所以我九月都報左周勤才.
我曾經補過蕭源 ge regular, 覺得佢有好有唔好. 佢教果d 作文同閱讀理解skills 係有用ge, 上佢堂亦都唔係話完全無得著的. 講真, 上佢堂係唔會悶, 唔會想訓覺, 因為佢成日爆gag, 課堂上亦經常傳來笑聲. 不過佢成日promote derek liu and wilson liu, 上堂無 la la 扮走音同唱歌, 仲會講有味笑話同撩女仔, 咁樣真係浪費左好多上堂時間, 因為我覺得我係去比錢補習, 唔係比錢聽gag show. 此外, 佢又叫我地做作文功課, 但係去到個course 就黎完都仲未派原稿紙, 問佢d 助教又唔清唔楚咁. 補之前又話有咩送書優惠, 點知佢係咁係度拖, 由第三堂一路拖, 拖到最尾果堂先派到. 蕭源d 單張係無寫到學歷ga, 佢好似無足夠學歷教預科ga, 但佢就話自己樹仁畢業. 另外, 佢d workshops 就無咁多廢話, 你可以去試下佢 ge oral and listening workshops, 佢d 助教就無周勤才果d 咁好la.
如果你想試下其他中文老師, 遵理的徐迅博士是不錯的選擇. 佢比較實而不華, 學費也比較便宜, 我有同學補過都話唔錯, 不過說話同聆聽訓練較少, 單張上的課程介紹也較 "行", 所以我無報到佢。

英皇aman chan and 活學張欣欣都未入流，所以我都唔係好清楚。