請問香港在澳門最多可逗留多久??(10)

香港永久居民用永久居民身份證入澳門境，可以居留最多一年，期間除咗唔可以做嘢（打工）之外，可以買賣物業，居留，甚至做生意．

香港地盤工人去澳門做嘢，好多都係做”黑工”，另外一D就係走法律隙，一定時間之內，做嘢唔超過幾多日，就可以以”顧問／技術指導”名義響澳門做嘢．

要向澳門政府納稅，唔代表就可以申請成為澳門居民，申請成為居民有一定嘅條件限制．

要納稅有幾種情況，一係上面所講嘅”顧問”，收入嘅5%計，或者以澳門居民稅率計，邊份高納邊份，另外就係”外勞”，即係政府正式批准響澳門做嘢嘅勞工，稅率同澳門居民一樣，免稅額以下唔使納稅，免稅額以上納7~12%稅．當然澳門仲有一D娛樂稅，博彩稅等等，即係遊客使錢都要納稅，唔係淨係賺錢先要納稅．

如果要正式申請成為外勞，或者專才（而唔係響澳門做黑工），咁首先要有人請，然後，請你嘅人／公司要向澳門政府申請輸入外勞／專才，佢要向政府提供足夠理由同埋證明，證明響本地請唔到呢D人，政府先會批，批咗之後就可以攞到勞工證（專才仲可以攞埋臨時身份證），合法響澳門做嘢．

香港永久性居民可以入境澳門逗留一年,其間不準就業.