點算呀? 畢業典禮入面影相, 真係好重要嗎?

弊啦, 我個心真係好唔想去畢業典禮呀,
之前都問左一次架啦, 但係大家都話我應該去,
因為一生之中冇幾多次喎, 但係我真係唔多想去呀,
係度搵緊藉口唔去, 我今次係副學士畢業, 聽日就係畢業典禮啦,
咩都冇做到, 門票冇拎, 袍冇租, 又冇話比阿媽知~~
雖然阿媽之前都問左一次, 我話遲d先有咁囉~~
點算好呀?? 我覺得我問多次都係想大家話比我知唔好去咁~~

有人話錯過左就冇架啦, 一生人冇幾多次, 但係今次都係副學士咋喎,
讀degree先影唔好咩??? 雖然我而家都未打算再讀, 再讀都遲d先~~
真係唔多想影囉~~ 就算要影, 都可以畢業典禮過後,
去租袍, 冇咁多人影既時候, 再去影架, 係唔係呀???

其實之前我中七畢業典禮, 阿媽逼左我去, 都好唔開心,
但係中六中七d班相, 咩都冇影到, 我全部都冇影到,
阿爸話我唔影既時候, 點證明我有讀過中六中七呀??
我話有證書喎, 佢話有好多明星拎個證書出黎都未人懷疑係假既,
都係拎番d班相呀, 先至證明到係有讀過咋~~