YAHOO拍賣一問

唔係好明你到底想問咩..不過我簡單講一下吧。

首先賣家先set左個開價先,例如你set左$100,件貨就由$100開始bid上去。
另外你亦可以set每次叫價既下限,例如set左每口價$10,咁買家每次落bid既話最少就要落$10或以上。

其次為左保障你件貨,你可以落一個底價,意思就係話假如拍賣完結後,個最高競投金額比你set既底價低既話,呢個拍賣係當無效,一定要最高競投金額等於或高過你set既底價,呢個拍賣先會成交,而個底價係唔會俾買家睇到的,只有你自己知,買家只會知道有冇過到個底價。
例如你set左底價係$500,開價$100,到最後bid到$300,因為未過底價,所以不成交。

最後就係你所講既直接購買,你除左定上面提到既拍賣開價及底價之外,你仲可以定一個直接購買價,直接購買價係可以俾買家睇到的,目的係俾買家可以直接購買,節省落bid時間。
例如你件貨開價係$100,或價係$500,直接購買價係$700,買家如果落bid的話,個落標價要高過$500或以上先會成交,又或者直接以$700同你立即購買。

2007-10-10 17:21:54 補充：
尾二果行打錯左個字,"或"價係$500,應該係"底"價係$500先岩

2007-10-10 20:13:16 補充：
如果你set左直接購買,買家噤左直接購買,呢單交易就會立即成交,凡係拍賣成功,yahoo都會收取刊登費,刊登費唔一定係$1,要視乎成交價而定,$100以下就$1,$100 - $200就$2,詳情你可以睇番yahoo個拍賣FAQ正如我之前所講,就算你set左直接購買價,都一樣可以俾人落bid競投,兩者冇衝突的,除非你個拍賣開價set到同直接購買價一樣甚至比直接購買價還高(不會有人寧願落bid用個高D既價錢買入吧..)。

緊係唔咪啦，
通常你用開售價都會有人Ｂｉｄ！
而直接購買只係如果你唔想同人比人Ｂｉｄ左，
想自己買左去先會直接購買，
不過當然直接購買都有直接購買既價錢啦！
如果你係Ｂｉｄ果個，
你Ｂｉｄ一次（唔係直接購買）

如果你成功Ｂｉｄ到，
就要睇吓個買家洗唔洗你比果＄１，
如果你Ｂｉｄ唔到，
就唔洗比果＄１。
當然如果你係賣家，
你賣一次野就要比一次錢（＄１）