勞工例問題

僱員按連續性合約受僱滿12 個月，便可享有有薪年假。*

* 其實呢句嘅意思係，僱員第1個假期年(計年假嘅年度)累積年假後，要下一假期年度先可以放。簡單啲講即係僱員今年嘅年假係下年先放，而今年放果啲年假應該係上年所累積嘅。

連續性合約受僱為受僱於同一僱主，每星期工作不少於18小時，而且連續4個星期己上。

受僱首兩年有7日，之後每年加一日，即第3年有8日，第4年有9日，最多到第9年14日後，唔再遞增。


法例上年假冇得預支，所以僱員首年入職冇年假放係冇問題嘅。

致於假期年年度係由公司制定，跟僱員受僱日計，或者用財政年度都可以，年只要唔多過12個月就得。

如果個僱員首年入職，假期年截數時未做夠一年，年假按比例計返，如果出現點數係一定要round up 去正數，就算係5.1日都要當6日，因為法例唔比年假唔以一日放取或用小數累積。

不過，如果個僱員係離職，最後一年唔做足個假期年，年假按比例計時出現點數就唔需要round up 去正數，直接用點數計返錢就可以。

當然僱主offer好過以上僱傭條例內容嘅聘用條款係冇問題啦。

2007-10-10 21:52:58 補充：
另外，僱員離職時通知期期間唔可以放取年假，即係唔可以用年假當通知期。

2007-10-10 22:12:11 補充：
所有僱員都可以放法定假日(勞工假)，但按連性合約受僱滿三個月後先有薪。按連續性合約受僱僱員其他有薪假:每7個曆日要有一天休息日，休息日唔一定有薪，合約冇定明休息日冇薪而個僱員係月薪一般就會視休息日有薪。 如合領取疾病津貼的資格，病假可以有4/5人工領取疾病津貼資格： 病假不少於連續4天（除懷孕僱員因産前檢查、產後治療或流産就可1日） 能夠出示註冊西醫，中醫，或牙醫嘅病假紙已累積足夠有薪病假額最初受僱的12個月每服務滿1個月，可累積2天有薪病假額；之後每個月可累積4天。最多可累積至120天。

你過左佢個試用期(通常都係3個月)就有有薪假喇,
至於你話一年7日有薪假, 我諗你係講緊大假
間間公司大假0既日數都唔同, 通常最少都有7日, 至於有幾多日就要睇返你入職時簽0既contract
你做滿1年就可以放晒佢咁多日, 如果做唔足1年但係過左試用期, 就可以有返按比例0既大假
eg. 你做左8個月辭職(由入職開始計), 就可以得到 8(你做左幾耐) / 12(1年--12個月) x 7(1年大假0既日數) = 4.6666日
至於小數點後0既數, 可以當半日,可以當1日, 咁就要睇下間公司好唔好喇

至於有薪病假, 都係過左試用期就有, 其他0個d, 喪假, 事假.....就間間唔同, 你可以睇返張contract, 如果contract冇就要問返d同事喇

每間公司都有唔同....
有d要做滿一年..有d就過左試用期已經有...
所以答約個陣要問清楚囉^^

我無記錯勞工法例係規定每位僱員1年都可以享有12日法定既有薪假...
即係農歷年初一個d.......etc
同埋根據連續性契約...僱員每7天便有1天休息日...
但法例就無規定呢日係咪一定有錢的...
僱主不可以強迫僱員於休息日開工...
但你自願的話都可以選擇開工...
如果病假的話...好似係可以拎e生紙camp返錢囉...
即係e療准貼...

其他假的話就係睇個老闆既人品啦= ="

1 year up