✔ 最佳答案
你所問的幾種我都有用,
第一:媽媽用黎清潔乳頭既柔濕巾同BB抹PAT PAT既濕紙巾係咪1樣
係一樣ga(我指的是思詩樂的嬰兒濕潔淨棉)我在法國醫院生完時,佢地都係用提供呢種俾媽媽清潔自己的乳頭先餵bb ga,所以雖然佢寫住嬰兒濕潔淨棉,但其實都係一樣,我試過買六甲村的乳頭潔淨棉(貴好多),原來同嬰兒濕潔淨棉係一樣ga
第二:思詩樂既柔濕巾同埋乾棉好唔好用?
好好用,特別係思詩樂的嬰兒濕潔淨棉,因為成塊都係純水,唔會刺激bb的皮膚,但為到一蚊一塊.屋企都用就會好貴,所以買得出街用就好好,因為塊棉好濕,就算在街幫bb抺pat都好方便同整潔,在屋企其實用思詩樂的乾棉就ok,因為佢已經cut好一片片,每次換片時,我都會攞三塊,用清水整濕,幫bb抺pat,因為一用即棄,唁駛好似用毛巾咁,用完又要洗番,而乾棉又平好多,$29就有120片,都化算.
第三:JOHNSON BABY淺粉紅色
其實都ok,不過比起用上面的方法,我就覺得因為JOHNSON BABY都係標籤自己有lotion,令,到抺pat時都係有d化學物質,黏住bb個pat,,所以我通常都係貪快用嚟抺便便,然後再用清水整濕乾棉幫bb再抺,然後先再上凡士林
如果用JOHNSON BABY,最好用淺粉紅色,因為粉紅色個隻有香味,我之前用過,bb的pat紅了....因為香料刺激了她的皮膚呢