離開個咁老公是咪好衰呀?

睇你到的問題都有點點心酸. 一個女人仔要捱大個小朋友真係十分不容易的. 唔知你想唔想聽真話啦...
你老公既 CASE, 我敢寫包單佢 10 年之後都搵唔到長工架啦 !!! 無一技之長但好高騖遠, 高不成低不就, 幾年唔做野但又有頭家. 如果你係老板, 佢黎搵你見工... 周街都係十零廿歲的後生仔, 點解仲要請你呀 ?? 係... 可以話千里馬未遇伯樂. 但你自己心知佢係唔係千里馬, 能力有幾多. 老實說, 失業 2 年已經同工作社會脫節, 我公司根本唔會叫佢黎見工 !!! 因此佢做黎做去都係老散...
依糞人已經懶慣, 你要佢的起心肝搵野做的機會近乎零 !! 加上仲有你養佢, 有你照顧個家. 佢仲駛做 ??? 比你都唔做啦 !! 佢有冇係屋企做下家頭細務, 湊下女, 煮下飯先. 如果有, 佢都仲有得救, 畢竟 "家庭主夫" 也是職業. 但如果係屋企都係做大少, 咩都唔理, 你就做餐死. 咁點解你要為一個唔向屋企負責, 唔為小朋友設想既所謂 "丈夫" 或 "父親" 考慮咁多 ??? 我唔係鼓勵你離婚, 冇爸爸的小朋友係好可憐的. 但你真係唔需要為佢考慮太多.
佢冇野做, 又唔需要去街, 咁仲三兩日問你攞錢做咩 ?? 去賭定去嫖 ?? 如果是但一樣都中, 咁你點解重要比 D 辛苦錢佢 FING 呀 ??? 一個月佢都攞你三五千啦 !!! 你一定要 SAY NO !! 無呀. 經濟制裁佢, 無錢佢自己搵野做. 比車錢你返工又係另外一件事, 你唔拎家用返黎, 要還錢比朋友都係另一件事. 但問題係你唔可以再 "養" 佢. 只會害死佢 !!
重有, 冇本事就唔好娶老婆. 娶得老婆返黎, 捱唔緊要, 有邊個唔駛捱, 但捱就一齊捱先有價值. 再繼續落去, 我真係唔係嚇你, 你分分鐘神經衰弱 (我媽媽就係因為這問題了). 到時候更加無人可憐你呀. 你想比 D 時間佢, OK 無問題, 但你都要比個時間自己, 1 年定 2 年. 如果 2 年之後佢仲係爛泥扶唔上壁, 咁你仲考慮咩呀 ?? 個時先離婚都唔遲呀 !!! 至於你 LIST 個 6 點, 講衰 D, 嘥氣啦. 佢既問題, 死症, 冇得救. 你幫佢諗咁多野, 佢何時為你諗過 ???

2007-10-10 16:53:58 補充：
如果好似你咁講, 只要你唔係屋企, 佢就會做家務, 同樣推斷, 你唔比錢佢, 佢咪會自己搵錢 囖. 依樣野好聽 d 叫做依賴, 唔好聽咪係食軟飯 lor, 不斷將責任加係你身上. 遲早一日, 佢分分鐘會同你講養佢係你應份既... 老實講, 佢又冇拎錢返黎, 究竟係唔係真係做老散都無人知啦. 點解你重信咁信佢呢 ? 我自己都來自一個半破碎家庭, 我都知道無爸爸既小朋友會比人笑, 比人睇唔起, 但你仲可以容忍幾耐 ? 係唔係因為小朋友, 你就要繼續做 40 年奴隸 ?

2007-10-10 16:54:28 補充：
聽你既語氣, 唔好話愛情, 同佢連感情都已經非常淡. 兩個分開住唔在講, 兩個之間無共同語言, 無共同目標, 只有互相指責, 婚姻是這樣的嗎 ? 與其要維持一段沒有意思的紙上婚姻, 為你自己, 為你個女, 點解唔灑脫一點 ?? 係呀. 我今日係鼓勵你考慮離婚. 什麼寧教人打仔, 莫教人分妻係講既說話, 針唔吉到肉唔會知痛. 如果我唔係有個衰老豆, 我亦唔會講得出以上說話的.

2007-10-10 16:54:49 補充：
警察同社署現階段都幫唔到你. 社署最多會建議你地兩個一齊見社工, 攪返好 d 家庭關係, 但一樣講多過做. 當然唔希望要搵警察啦, 因為只有出左事先會驚動佢地.依一刻, 我建議你私下同佢攤牌, 暫時唔好返屋企. 依 d 咁既小男人可以做得咩出樣 ?? 一分錢都唔好比佢, 直至佢真係搵野做先算. 好人好姐, 我就唔信 M 記都唔請佢 !!!

2007-10-11 16:29:31 補充：
你唔為自己, 都為個細既諗下啦今日佢問得親戚朋友借, 可以借幾耐 ?? 長貧難顧... 人地都有頭家, 冇理由長時間接濟你. 到時候佢會攞街數, 你覺得佢會唔會有錢還 ?? 係唔係要收數上門搵你先再諗走唔走 ?? 嚇親你唔緊要, 但你仲有個細既要照顧的 !!! 你係咪想佢細細個就要擔驚受怕 ??講得明白一點, 佢依隻叫大種乞兒. 但更不事生產 !!! 乞兒都要去乞, 佢連乞都慳返. 你覺得佢仲有冇前途 ?? 結婚咋, 你唔係賣身呀 !!! 你唔駛養佢一世架, 明嗎 . 用返羅蘭姐既說話, 真係佢死佢賤. 做男人做成咁, 佢唔醜, 我都睇唔過眼啦 !!!

2007-10-13 01:49:03 補充：
45 歲仲出黎行 ?? 仲要咁霉, 佢都好唔掂下, 難怪佢要做廢人. 佢無錢你估有冇人睬佢 ??? 出黎行最緊要講咩 ??? 錢 lor... 佢冇錢你點叫人同佢 friend 呀... 就算有人睬佢, 你覺得所謂江湖中人會唔會同佢一齊恰女人同細路 ?? 講出黎貪好聽咩 ?

2007-10-13 01:49:14 補充：
其實我覺得你都想離開, 否則你問咁多就咩呢, 依 d 問題, 10 條有 9 條係 1 - 2 日就會比發問者自己 delete 了. 可能你有好多顧慮, 怕佢攪你屋企, 攪你個女... 但係你係唔係再忍佢 20 年等個女大呀 ??? 相信你年紀都唔細, 之前仲捱唔夠 ? 女人的青春你已經比晒佢, 對得住佢有餘了... 你家人點睇先 ?? 有冇叫你走先 ??

2007-10-18 11:36:03 補充：
細個出黎行又點呀 ??? 陳慎芝細個一樣出黎行, 一樣食白粉... 咁人地依家係咩呀 ? 十大傑青 傳道人呀 !!! 黃飛鴻尋晚都有講啦, 有教無類. 佢依隻大種乞兒, 根本就唔會知衰. 你養佢啦, 繼續養佢啦, 睇你有幾多錢比佢攞 !!!佢老豆有冇仔送終關你忍事咩 !! 你攪掂自己同個女先啦 !!!

2007-10-18 11:36:17 補充：
醒下啦, 你成日幫佢搵借口做咩 ? 如果你真你唔捨得走既, 咁你根本唔需要講咁多啦 ?? 係唔係 ?? 繼續養佢就係你既責任啦 !! 如果你立志要走, 佢死又關你咩事呀 ? 21 世紀啦, 選錯, 可以走架 !!! 無人拉你返去浸豬籠架 !!!你比我的 messgae 我收到, 亦回覆左去你既 yahoo 知識 mailbox, 你睇左先啦

為將來著想,離開他吧,不要寄望他會為你改變,至於小朋友,你也不必太顧累,小朋友在單親家庭生活也可以很快樂的.
你要對社土堅決表示要離婚和害怕有人身危險,或自己上法援處申請,不過你最好先通知你的家人和帶女兒回娘家住.

You have to decide if he is trying his best to find a job.

一定要走啦 . 男人沒一個是好人.愛情可以渴水飽嗎. 有個1age bb有人幫你看沒問題啦.女人不是沒男人不可一世. 女人一樣可以生存. 你離開他 可以一個生活 不會死.

俗語有話 "寧教人打仔, 莫教人分妻" 但既然你咁頂唔順, 冇理由要自己辛苦o架!

你如果痴咗線, 你叫個女點先?

仲有呀, 佢話係你有問題消化唔到, 咁佢作為你老公又有冇諗過同你分擔吓呢? 佢咪又只係識得將佢啲問題帶畀你, 等你幫佢消化囉!

婚姻關係不只是個人幸福，還有子女的成長及父母的照顧.....離開佢都唔係一個好辦法。現在你的困難是丈夫好吃懶做，你可以嘗試兩個人靜靜坐下談一談，清楚的說明你的感受，冷靜而堅定的告訴他「一定要想辦法改掉它」，這頭家不只是你的，也是他的，你們應共用面對及承擔，你將利害分析比佢聴，如果佢真是還要這個家，佢一定會改。比d信心自己 (可以改變佢)，亦d 信心比佢啦。

俗語話,寧教人打仔莫教人分妻!
但咁嘅男人就早走早着,妳話佢低的不想做,高又無人請,即佢本身學歷不高?一心等運到,等發達!我覺得佢有病,現今香港大學畢業都得幾千蚊人工哪,佢一d都無責任心,唔面對現實,唔養妳唔緊要,但個女佢一定要養,不是一個好老公唔緊要,但不是一個負責任嘅爸爸就唔得!妳話佢亞媽就死,如果真係死咗,唔通又要妳比錢去葬咩?同佢捱(公一份,婆一份)無所謂,最多清茶淡飯,但妳依家同佢捱(應該話妳養佢至啱),佢就日日發白夢,我都覺得妳好辛苦,壓力好大,長痛不如短痛,嗱嗱聲執野帶埋個女走哪!依家有好多機構,如向睛軒等有短期住宿暫住服務,好似仲係免費,又有社工,可以幫妳重過新生活,如果無人湊女,可以申請公援,都有5-6k,仲有公屋快証申請,唔好諗哪,依d咁嘅男人無得救哪,佢唔死都無用哪,簡直係垃圾都不如!

2007-10-11 14:29:29 補充：
可以講句,佢簡直都唔係男人嚟,要個女人咁辛苦,好坦白講佢根本都無愛過妳!好男人,不會讓心愛的女人流一點點淚好男人,不會讓心愛的女人受一點點傷絕不會讓等待的情人孤單單看不到幸福回來的方向!

2007-10-12 11:56:03 補充：
妳話佢出嚟行,我覺得佢似咬老丸多d哪!成45歲人一事無成,唔肯由低做起,佢根本都唔係出嚟行做大佬嘅料,佢d咁嘅人可以叫做餓死老婆(温)臭屋!我都係嗰句,早走早着哪!

2007-10-16 11:29:01 補充：
妳叫佢老豆老母養佢過世哪!其實妳係咪放唔低佢?仲對佢存有希望?

2007-10-16 11:35:09 補充：
講真妳一係走,一係 繼續做佢部提款機!做人要有低線,妳唔好再揾籍口哪,醒醒吧,好嗎?

No, you should do this. I never consider a man can act like these.

1)You can share all the responsibility. But it doesn’t seem he likes to take any.
2) If he can’t find a job but he still has a “heart” to try, it is fine to support him. But, he is not doing his part.
3) 不肯同佢捱 : Both 捱, ok. You 捱 not 佢 捱. not ok. 朋友. You are not his own property. (Slave)
4) Family first, 比番佢朋友 second.
5) He 影衰 all man's image.

http://www.judiciary.gov.hk/tc/crt_services/pphlt/html/divorce.htm#3
Reason :
配偶的行為令人無法合理期望呈請人可與他 / 她共同生活。

2007-10-10 12:20:58 補充：
I miss other's people answer. Good word :"你幫佢諗咁多野, 佢何時為你諗過"

2007-10-11 16:10:02 補充：
I miss something. How old is he? What is his education level? I know some young people they always think: They have a loft of friend. Their friend will help them to get a job. They are living in their imagination. They don’t prefer to work in M.

2007-10-11 16:10:58 補充：
I think what you can do are: 1) Force him to get a job and face the real world. 2) Leave him. Make him awake. Otherwise, you can afford it for long team.

2007-10-11 16:13:10 補充：
Actually, it is "you can't afford it for long team."

如果係我就一早 bye bye
仲同佢生 BB,你都好傻!
圖片參考：http://hk.yimg.com/i/icon/16/2.gif

自己諗下啦!
搵社工傾下啦!

其實應該迫佢做野，唔做都要湊女兒.....唔可以比佢無所事事、賭錢之類更加唔得....妳話個家大家有份....要捱一齊捱.......目標係為兒女將來.......

2007-10-10 12:10:06 補充：
妳離開只是慳dd錢.....兒女變左單親打擊會不少，妳再識其他男人也不一定真心對妳好..........就算真心對妳好，也未必對妳兒女好......