透過中銀智達買賣股票之交易被拒納原因

前日(8/10) 15:49設定$14.0增強限價盤買入2000股857中石油，眼看當時的即時報價由14.1然後14.0，更落過13.98，但係最後直至收市我都買唔到。
昨日(9/10) 09:38再次設定$13.94增強限價盤買入，眼看開市前時段股價曾去過$13.9，心想應該買到吧，結果直至10:15分我的交易被拒納。
我再於10:30分設定$13.94增強限價盤買入，當時股價都係大約在這些位，但係今次只係2分鐘我的交易又被拒納。
我再於10:34分設定$13.98增強限價盤買入，當時股價都係$13.94-$13.98這些位，今次卻一輸入便成交。
我想知咩原因做成我的交易被拒納呢？是我輸入的價位同股價偏離太多嗎？不是吧！我輸入的價位好多時比即時報價多少少，就以(9/10) 09:38的一次為例，我設的買入價是$13.94，當時股價曾落過$13.9，咁都輪唔到我？
其實可唔可以做到，即係我早上設定一個買入價，例如$13.94，然後呢個指示全日有效，總之一到價就幫我買入，好多時9:30設定左個價去開工，明明已經高過個即時報價，點知轉頭又話拒納，結果時時買唔到。