邊度有軍事布章賣??

布章其實係好易揾，基本上有賣軍服嘅舖頭都有搭嚟賣，當中仲買賣到真假難分！若果你係用嚟上 game 用嘅衫，咁真假都無乜所謂，三軍山用品、大兵、A-1、伊太利、M-1。。。求其一間，分佈於廣華街到花園街一帶都有。
但若果你係用嚟收藏又唔同咁講，一般我哋好少甚至唔會收臂章；太濫喇！我個人會揀選特定時期嘅特定部隊用嘅章或者有特殊價值嘅嘢做收藏。
例如小弟嘅部份收藏品有 1984年美國 82 空降師被撥入快速佈置部隊 Rapid Deployment Force 嘅胸章；該章只用咗一年又改叫全球快速反應部隊 Grobal Rapid Reaction Force。又例如 82 空降師 352 旅 B 連所專用嘅紅貝雷帽釘扣及底布章、越戰時期 101 空降師的右衫袖用；鷹頭朝相反方向嘅師章、越南政府軍老虎胸章、越南傘章、越南上尉三粒梅花銅制胸章以致近期第二次伊拉克戰爭美方用嚟方便美兵輯捕伊方高層；有樣有名有職級嘅啤牌 「Death Card 」等等。

廣華街,好似叫好景商場,裹面大把軍事用品店一定有,成聯國一樣,不過價我錢都幾貴
即是余振強附近