洗手間安唔安假天花較好？

我既私人經驗就係唔好裝,
因為我屋企8年前入伙時係洗手間都裝左假天花,
理由就係同你講一樣, 想唔好俾d水氣蒸到上天花板,
但而家好後悔, 因為而家仲要搵人番黎拆左佢再刷過油,
假天花有好多問題,
1. 換假天花既光管好煩, 好易就攪到鬆哂, 甩甩地咁,
2. 假天花雖然係唔會令真天花有水漬, 但其實用得耐假天花自己都有水漬架,
3. 樓上滴水睇唔到, 到假天花都滴水時都已經好嚴重
4. 真天花雖然唔會有甩油, 但其實洗手間依然濕度好高, 後來我地發現真天光一樣有發霉情況出現.
所以總括以上既經驗, 我勸你唔好裝假天花,
怕天花會甩油既, 不會沖完涼開多陣抽氣扇同開多d窗同門仲好

裝唔裝都是見仁見智, 最基本要考慮一個問題, 上層洗手間會唔會滲水？如果裝咗假天花, 日後天花浸水會導致鋼根生銹, 到某一程度就會迫爆啲石屎, 跌落黎會整霖個天花或再傷到人, 除非你每隔一段時間揭開個天花用視覺去檢查吓, 一發現有水漬就要通知樓上去做維修. 洗手間通常都有裝抽氣扇, 除了排走廢氣亦會抽走洗熱水澡時的水蒸氣, 只要沐浴完畢, 保持抽氣扇運作多十分鐘就可以抽走濕氣了, 需然花費千多元裝了假天花是美觀好多, 但上述問題是會有可能存在的. 若冇裝緞天花, 我們時刻都觀察到天花的狀况, 一發現唔妥就可第一時間去處理. 未裝之前作慎重考慮吧！祝你 : 安居樂業！

唔安裝,我屋企都冇安,no problem,不用浪費金錢

安裝..清潔,美觀,價錢平,平過油漆,

厠所是一個很潮濕的地方, 因為浴室關門後基本上是密封的, 加上你沖涼時, 所產生的大量水蒸氣, 令室溫有所變化溫度上升, 就會形成水份, 導至天花及牆壁濕淋淋, 雖然開抽氣扇可以抽走了部份水蒸氣, 令室溫變化無咁大, 溫度就唔會上升咁多, 濕氣就無咁重, 但年月後天花板的灰層及漆油都會脫落, 所以安裝鋁質假天花是一個很好的選擇, 因鋁質假天花是不會生秀及脫落的, 現時的鋁質假天花的造價約為$1,500元, 最少可以用十年八載, 用舊了又可以清洗都可以說是一勞永日.
以上資料希望可以幫到你!

我建議安裝, 反正新裝修, 裝埋假天花令厠所都能耳目一新

其實安裝假天花一般住宅都會只裝廚房及厠所
美觀, 加上假天花, 整體感覺會舒服D
厠所既蒸氣會令天光油漆起 "pop" , 裝上假天光確能有效避免, 至少亦能廷長起 "pop"既發生, 而廚房由於比較多油煙, 一般抽油煙機都唔可以百份百抽走, 若油煙薰上天花, 就必須要重新上油, 而裝上假天花後, 只須要用清潔劑噴一噴, 抹一抹就 ok
而安裝天花亦分好多種類, 有啲好似砌磚咁, 先起一個架, 然後逐磈片裝上去, 呢隻就唔適合面積細既地方, 多數用於辦公室,而價錢亦比較貴, 建議使用長片適既假天花, 最經際實惠, 一般 6 吋至 8 吋都可以, 一排排咁裝上去, 清潔時甚至可以逐片拆出嚟而不需任何工具

而天花燈問題就更加易解決, 天花燈其原理係靠燈座既兩邊夾仔來固定(是藏於天花入面, 外面再以一個圏來遮蓋, 一般都唔易鬆脫, 即使真係出現鬆既情況, 只要將兩邊既鐵線夾仔拉番開少少, 令夾仔回復本來既弧度, 亦簡單不過, 而換天花燈炟就仲容易, 易過你換光管或或他燈胆, 因為一般既天花燈胆都係用雙腳插, 成個連罩既, 只需直接插入即可

最後講到漏水既情況, 相信發生既機會唔大, 因為未唔係每戶每宅都會發生, 即使擔心, 就好少少防漏工程, 亦沒有大問題