要解僱一個做左三年的員工, 要補什麼.....

如果個員工係按連續性合約受僱(每星期工作不少於18小時，而且連續4個期或以上，簡稱418)

補野如下:
1)未發放嘅工資
2)通知期或代通知金 (唔一定一個月，睇返合約點定，如果冇列明，之前又冇口頭講過， 跟返法例當一個月)
3)過去假期年(計年假嘅年度)僱員未放嘅年假
4)今個假期年如果個僱員做夠3個月，年假按比例計返
5)過去酬金期(計年終酬金嘅年度)未發放嘅年終酬金(雙糧)
6)今個酬金期如果個僱員做夠3個月，年終酬金按比例計返
7)如果涉及裁員，要比遣散費*
8)如果你仲有其他應該要比僱主而未比嘅野，(e.g 休息日返咗工未補償) 都要補返比僱員
已上除遣散費外，所有野要於終止僱傭合約後7個曆日內出返晒比個僱員。

*
裁員定義
僱員若基於以下原因被解僱，即視作因裁員而被解僱：
• 僱主結束或準備結束營業而解僱僱員；
• 僱主停止或準備停止經營僱員受僱的工作場所而解僱僱員；或
• 僱主對僱員所擔任的工作，或對僱員在其受僱地點所擔任的工作需求量縮減或預期會縮減而解僱僱員。

如果解僱咗呢個僱員，而唔請返個人填補返佢嘅職位，可以構成僱員工作場所上嘅人手縮減，即係涉及裁員。

另外，僱主可以用僱員強積金中僱主供款部份嘅累算權益抵銷遣散費。 如果唔夠抵銷再補差額比僱員。

僱員如欲追討遣散費、須在解僱 / 被停工後3個月內，以書面向僱主發出申索遣散費的通知。如有需要，勞工處處長可以將發出申索通知的期限延長。
僱主必須在收到僱員以書面發出申索遣散費的通知後的2個月內，支付遣散費。

DOUBLE PAY ( 按比例 )
遣散費