BB 面上長滿粒粒

您好！我個女出世頭兩個星期又好似你BB咁架，滿月之後仲越來越多，之後睇個醫生，個醫生我睇左廿年，50幾歲，好有經驗啊！醫生話係正常bb都會有架，大D約6個月就會自然退的，因為可能係面部油脂分泌出問題，要等到頭頸自己識活動先會好架，因要有頭部同面部運動先會有好轉，所以你唔洗花錢去試其他藥品，因係無用的，假如大便正常就唔會係奶粉問題，所以唔好動不動就轉奶粉，請你等啦！我當日都好似你咁！現在我女女1歲10日大了，D皮膚又白又滑，好不知幾靚女啊！所以你唔洗大擔心！不如你多D留神就快轉天氣，BB有無足夠的包肚衫同甲衣過冬好過啦，BB最緊要唔好冷親個肚啊！未有頭髮之前都要帶帽啊，唔好凍親頭仔，BB頭痛會日咸夜咸架！夜奶要BB話咸話飲先好比啊，假如有一晚BB唔咸話飲晚奶就唔好叫醒BB餵，現在食4安奶未啊？食到的話就應該就快問你要5安奶了，一餐食到5安奶就應該就快介夜奶啦！我個女個半月大就介左夜奶啦，當時佢食5安奶1餐，1日食5餐，希望我的經驗幫到你啦！@~@

2007-10-12 01:33:20 補充：
放心啦！快慢唔重要架，最緊要有進步！@~@
祝快高長大！哈哈

我個仔都係咁, 睇咗dr. 佢話係濕疹比咗隻藥膏我, 係Leo牌濕疹膏, 係藥房買....
dr話可能係奶粉敏感, 叫我轉食但係用咗藥膏後完全無事, 好好....
你可以同b去法國醫院睇$200就ok

我都建議你去看醫生, 問醫生俾意見你, 如果好似姑娘話係熱痱,咪走去買支熱痱水或粉,如果唔係係奶粉敏感,醫生會建議你轉奶粉. 有時熱痱.敏感和濕疹都好似的,好難分別.

我個朋友個bb又係咁,佢試過好多方法都冇用(睇左醫生都唔得),之後有日咁岩同佢去一間賣童裝的鋪頭,個事頭婆介紹佢用"雙妹mark",但我就唔係好記得係咩,你帶埋bb去藥房問下..希望幫到你la..佢個bb用左2日就冇晒事...

我看你的bb可能是生熱痱,,那你可以給他洗澡,或者塗些熱痱粉,你抱埋bb去藥房問下,

但我就建議你先問下几個醫生先,因我個bb都同你的問題有點相同,但就冇你咁勁,最后就查出是奶粉過敏,那就冇辦法啦,要等到佢六個月大先可以換過敏奶粉

試下用６茶水幫ＢＢ洗面,
要同茶葉焗的,吾係現成買的
６茶清熱消炎的,好天然無副作
用,茶叶用一茶池到就ok,焗１杯水
后放暖幫ＢＢ洗面,有熱痱都可用的.