新手想買DC!試機時要點做?? {想買Canon EOS 400D)

(1) 你想買 DSLR, 先比較價錢同保養等terms... 傾掂ok啦, 之後叫佢拎部新機俾你睇, 果陣要注意機身有冇花, 似唔似俾人跌過, 會唔會係陳列品... 然後 check 鏡頭, 單獨拎出來, 對住光管睇下鏡頭裡面o的鏡片有冇塵, 有冇花, 有冇發霉, 塵係一點點, 霉係濛濛地... 如果唔肯定, 就要求佢換另一支鏡頭睇, 如果支支都係咁, 咁唯有揀一支較正常o既..... 另外仲要留意 CCD 有冇咩問題, 影出來影像會唔會有怪異的一點點, 有就唔好要.... 總之, 有咩唔妥就試多部機..... 再唔係就唯有唔買, 去過另一間睇...

(2) 百記, 豐記, 女射, 宗完等大行雖然較可信, 但多數較貴, 可議價, 分期可能唔駛 charge, 至於其他, 旺角就以永成/萬成, DC Fever, 等較可信.... 你可以睇睇以下呢個 表, 但呢個表要登記同login 至睇到: http://camera.gcgc88.net/shop.php

我自己果陣去萬成買, 問o左好多基本野, 總之走之前我已經肯定識除o左 manual mode 外其他 mode 點去影相, 煩o左佢地半個鐘都無炸型, 仲一路 pack 一路o向你面前點清楚o的貨, 咁就叫做高質素服務啦.... 呢間美中不足係分期必收 charge....

(3) 多數七日內包換, 所以, 你最好把握呢七日去做測試啦..... 例如試下影遠景, 近景, 五色(紅綠藍黑白)的色紙, 試對焦準唔準... etc.

(4) 死點同你買 PSP 或 NDS 等情況一樣, display 有一點顯示唔到, 又或者佢影出來的影像, 有一點有問題.... 測試就拍攝五色紙, 睇下出來果五張 image 有冇問題.... 呀, 記住五色紙要o向十間畫個十字, 俾個鏡頭用來對焦喎, 純色係有可能對唔到焦o架....

(5) 至於係咪行貨, Canon 行貨係有 Canon (Hong Kong) 的保用證... 水貨唔係香港果間保養....

不過, 我自己買機之後都無做過以上測試
圖片參考：http://hk.yimg.com/i/icon/16/10.gif
, 因為之後果七日, 差唔多日日都影, 有問題一早已經發覺到.... 而以上方法, 都係之後上網睇人地o的 post 睇返來.... 但記住, 咁 test 法的確好煩, 所以最好揀無乜人o向間舖果陣先至去買... 如果發覺影像有咩問題, 最好放上網o的 forum, 問問o的師兄咩事... 較熱門的 forum 有:
http://www.dchome.net
http://www.dcfever.com

我都係用 400D, 再有問題, email 俾我啦.... Profile 有寫....

1.機身同支鏡有冇花同刮痕，試死點，最好搵純色紙影一張，最好係有齊rgb三隻原色，所有function鍵ok，閃光燈output有冇問題。check鏡頭：兩邊互望有冇塵響裡面，試下zoom同focus有冇問題，有motor的鏡頭可以試下個motor 有冇聲。同埋用慢快門check 防手震功能，通常要影幾張。
2.我本身響中環鐘沛買，都唔錯，用左成個半鐘，同個sale好好傾。一般大型連鎖店都應該冇問題。但係本人有次響百xx買md機(好多年前)，我知ge野仲多過sales，成為了一之不愉快經歷。
3.通常7日，而家好多間都有，不過你都可以問下ge
4.就是有一些黑點出現在相片上，多數由感光原件失靈所致
5.賣行貨的鋪頭通常都有個牌子show出黎。而你也可以在網上面check下邊到有行貨賣，如canon網頁會列出哪些商店的地址。