我隻倉鼠成塊皮毛甩左,見到血肉,點算??

你既鼠點解會咁樣?係打交or其他原因整傷到流血見肉,定係只係甩毛見到皮膚?因為話見到血肉,唔太了解情況,如果估錯你既意思既,煩請補充

A.如果係整到流血見肉,就要馬上睇醫生,咁既情況係好危險既,不過我都知夜左好難睇到,盡快去睇啦,俾d獸醫資料你參考一下:
最貴最好:
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

平d可以睇愛護動物協會,但做手術既話,都可以會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

睇醫生之前你可以做以下既事先:
1)用藥用棉花咁住傷口,用外傷既藥同佢搽,小心唔好整到眼耳口鼻.
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)如有鼠同一籠,冇受傷既鼠,都必須要仔細檢查一下真係有冇受傷
4)如果係打交既,兩隻鼠都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)如果有內服既"外傷素"就可以俾鼠鼠飲住先,但嚴重成咁其實都係要盡快睇醫生先係最好既方法
7)如果流血既情況嚴重, 其實都幾難止血,因為鼠鼠本身會爪會咬,鼠鼠咁細隻,如果不斷流血,好快就會失血過多...盡快帶佢睇醫生啦

B.如果係甩毛,唔係甩皮流血咁既話,就應該係皮膚病了
皮膚病好少會致命既,唔洗太擔心,但都要留意下甩毛既地方會唔會有粒粒生出唻,有時甩毛,都會因為有腫瘤而甩既.

有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
5)有俾鼠鼠飲既皮膚病內服藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期.
6)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
7)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
8)檢查一下甩毛既地方會唔會生粒粒,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先
9)唔好用有色or有味既木糠,因為呢d都好易令鼠鼠皮膚敏感,敏感嚴重起唻係會致命既
10)當然可以直接帶佢睇醫生啦

2007-10-13 18:18:51 補充：
我就唔建議胡亂用人既藥落倉鼠身上,始終人同鼠體型咁遠,濃度份量都好唔同,加上紅藥水含水銀,醫生都唔建議人有傷口時用紅藥水

不用驚張!我得省錢方式就是用棉花棒沾紅藥水,每天幾擦個禮拜後就會結疤就好了,因為台灣一隻小老鼠很便宜,但看個病就要好幾佰,所以這都是我的經驗你可以試用我的方法.

快d帶佢睇醫生啦!

佢係有皮呼餅呀><你帶佢去睇獸醫啦~一係買d藥搽下>

快d帶佢睇醫生啦,
唔係細菌感染會仲衰....