買魚煲湯知識

🍴 飲食台烹飪及食譜

Ruby & Ocean

2007-10-09 9:37 pm

想煲魚湯, 例如:生魚..是否在咸水魚檔買？點講？是否說要條生魚？我唔認得邊款是生魚。另外,魚檔是否會幫我起鱗及處理好？唔好意思, 我係新手, 想知多d。謝謝

回答 (5)

jojo

2007-10-10 12:27 am

✔ 最佳答案

生魚正好以上兩位人事所說去淡水魚檔買. 但其實買野生生魚最好, 但現好難買到. 另煲魚湯, 唔一定用生魚. 可用好多咸水魚仔都可以的, 例如紅衫魚, 大眼雞, 牛秋魚等, 而且比起生魚還要鮮甜. (我個人覺得姐), 以我所知, 在鑊裹倒入少少油, 再用一張抹手塗均個鑊,再將魚在鑊裹煎一煎, 變了金黃色, 倒入凍水, 連水帶魚在鑊裹慢慢滾, 水變奶白色後, 將佢倒落煲裹, 倒時用隔渣器隔去魚骨, 再加入配料如白菜再去煲,但煲白菜請加少少薑 , 又或蕃茄薯仔煲魚湯, 再想甜一點可加瘦肉就非常好飲,

👍 0 👎 0

小鬼

2007-10-10 1:44 am

惠康有得賣，會游水的。佢地唔會好似魚檔咁，見你乜都唔識就呃你。

我會用大約10 "兩 leung ”重的生魚煲湯，4個人夠飲。你可以叫佢地揀條大約10 leung，佢地會同你搵條差唔多重。之後重會同你劏，起鱗。如果你個煲細，仲可以叫佢斬開兩件。

如果煲魚湯無腥味，可以先以薑起油鑊，小油，略煎兩面，然後才煲。

2007-10-09 17:46:17 補充：
生魚用來煲老火湯，例如，花旗參，西洋菜最普遍。

👍 0 👎 0

用戶4661

2007-10-09 10:21 pm

其實買魚時，魚檔是會幫客人起鱗及劏好。
魚的種類很多，見多幾次會認得。煲魚湯，記得把魚先用薑片起鑊煎香，
煲出來的湯是奶色及無腥味。

👍 0 👎 0