想放抽番黎既股票

首先你要係証券行/銀行開個投資戶口先,如果你係已經有個投資戶口,你就拎埋果時寄比你果張股票去証券行/銀行,同d職員講你想入落去你戶口,咁佢地就會幫你,不過一搬要14個工作天先會完成過戶,即係話你要係14個工作天先後先可以賣.
至於手續費:
証券行我就唔清楚啦,不過我之前係銀行入,銀行就無收我手續費,只係收一d例牌嘅費用(係政府收,唔係銀行收)不過total加埋唔夠$10.
順帶一提,你話一手自己名,一手老婆名,所以點都要提一提你,係要入返自己個名嘅戶口架!!
不過有一句我多口想講: 而家工商銀行升緊,應該仲會升!!入左都可以考慮唔好放住...
(不要見怪我多左個口)

我用緊東亞銀行, 佢地唔收存倉費, 而且我都好同意唔好放住, 既然抽返來應該唔係用左好多錢, 如果唔等錢洗, 等佢幾年你會有意想不到的收獲嫁.

上一位回答者答得好....但我有少少補充...就係倉租ge問題...我係hsbc半年收我$100倉租...
就算入左即買都收返你半年(股票)倉租ge....相信其他銀行都會收倉租..但幾錢就唔清楚啦...