皮膚問題!!!

你呢d可能係俗稱 [風疹] (或風癩) 的 [蕁麻疹], 係敏感嘅一種, 起初會一點點, 跟住越來越大撻, 仲會突起一塊塊好似一個 [島] 咁, 是嗎?
我都被呢個問題纏繞左10多年, 痕起上黎超辛苦呀!!
出風疹有幾個可能性:-
1. 食物敏感 - 唔同人會對唔同食物有敏感反應, 例如海鮮, 牛肉, 花生, 奶類, 什至味精...你觀察一下出風疹前會否食過某一類型食物, 好似我咁, 有時食牛肉之後就會起...
2. 外界致敏源 - 例如對某些香精, 化學品, 例如香水, 化妝品, 什至洗衣液或沖涼液 - 如果係呢樣, 就要選冇香味嘅用品, 因為可能呢d野帶來對你皮膚一些刺激
如果係以上敏感情況, 你去睇醫生, 醫生都會睇你係咪每逢食左或者接觸左某一類或幾類野之後有敏感, 什至會建議你做 [敏感源測試], 但亦有醫生認為作用不大, 因為通常只可測試到6~7樣野, 但可致敏的東西有好多種.
醫生通常會開些 [抗組織胺] 類藥物俾你以減退痕癢. (我自己食左呢d藥好多年, 我幾乎日日都出, 不過你唔好自己買黎食, 最好先請教醫生意見, 當年都係醫生介紹我食, 食左可能一兩個鐘或者幾個鐘會退晒) 有時嚴重起上黎, 醫生可能會開帶有類固醇的藥物或什至打針 (我試過出到好似豬頭咁, 要打針至退到)
至於中醫, 就可能會認為你濕毒, 淋巴系統欠佳, 導致毒素由皮膚下走出來, 不能正常地排毒. 當然, 亦會因人而異, 不能一概而論.
但無論中醫西醫, 都會認為呢樣野係代表你抵抗力差.
如果證實係風疹, 放心, 呢樣係冇傳染性, 但真係要俾d時間調理下身子, 同埋留意下會否真係為左某樣野而敏感.
我因為咁多年都有呢個問題, 所以雖然不是醫生, 但都深受其害, 所以知道以上情況. 有時就算唔食藥, 過幾個鐘其實都會散.

此乃皮膚過敏,可以中药治好。