鮮花素材資料,如各類鮮花的配襯方法,其特性,插花方法等相關的,thxs!

插咩花、配咩葉，全是看個人喜好同當時最新鮮既係咩野。

建議如果係初學者，可以買玫瑰花、大朵既百合花或康乃馨試下，因為比較容易掌握。
至於葉方面，可以用米仔、九里香、尤加里葉、散尾葵等配合。

初學當然係用盆會比較容易掌握啦~ 你可以用圓盆或方盆都得，唔使太大個。
可以先學插三角形，因為比較易羅位。

以下既插法係用玫瑰花或康乃馨+碎花+葉：

先插三枝花，分別係上、中、下，然後再加4枝係兩邊，即係每邊打斜放2枝，
咁應該會見到一個三角形加中間一枝花。(記住，只係得3面睇架炸。如果要4面都有野睇，要等你技巧好d，或者插圓形。)

之後，就可以係最底下個層多加2枝，又係每邊。總共9枝花。

初形已完成，跟住可以加小小花仔做點綴，例如：無忘我、白孔雀等小花仔。隨意插就得。

當然如果係紅色主花，咁配白色花仔會幾好睇。如果係黃色，不防配下紫色花仔，都好好睇架！

葉既主要用途大多數係攝位，同遮住舊花泥。

大概情形就係咁啦！當然去圖書館借本插花書睇，你可能會更加明白。

p.s.花泥一般係花店都有得賣，插鮮花舊泥係綠色，回家後要浸水，水要高個舊泥。等舊泥沉左落底就ok啦。如果唔係太大盆，可以分開兩舊。如果慳d，舊泥用完一次，係可以反轉用多一次。不過，插左落去既花，唔好成日覺得唔ok就拉番上黎，因為呢個動作做得多，舊泥就會爛晒！唔用得。

插乾花既花泥係灰色，唔浸得水架！