澳門一日遊

早上你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到聖安多尼教堂及白鴿巢公園). 中午可以在議事亭前地中央郵局對面的黃枝記食LUNCH, 主要係食中式粥類及粉麵.
下午可以到福隆新街睇下一些特色的街道, 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂. 跟住可以落一落去位於新口岸的觀音像及宋玉生公園參觀.
如果有時間的話, 傍晚可以去盧廉若公園及二龍喉公園. 二龍喉公會係有纜車上松山燈塔的. 燈塔旁邊有一間聖母雪地殿聖堂, 始建於1626年.
晚上可以搭車前往氹仔. 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的. 之後去官也街買手信, 你亦都可以去澳門氹仔官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半). 晚餐可以去附近的熊貓餐廳食地道的萄國菜.

以上的行程全部都係順路的, 由於比你的景點實在太多, 一日去完可能會有D"蚊"水. 可因應你的個人喜好再作刪減. 希望可以幫到你啦! 祝旅途愉快!

ok囖~~~^.^

去玩方面，最了大三巴、媽閣廟、玫瑰教堂之外，最近我就參觀了威尼斯人渡假村，裡面真係好靚，如果同行冇小朋友，仲可以入賭場行下，入面真係比其他酒店的大很多很多。
食嘢方面：我同屋企人必定會去龍華茶樓，佢係一間比較舊式的茶樓，各款點心、炒牛粉、白切雞都好好味，不過早點出，因為到下午二點就收市。
李康記食翅都係不錯的選擇，不過會有好多人，早點去就免等位。
如喜歡自助餐，英皇酒店、皇冠酒店都不錯！
祝旅途愉快！

大三巴,媽各廟