初生既倉鼠bb

市面係有鼠飲用既奶買,但如果想自行俾奶俾鼠b飲,係唔可行既
我好細個既時候,都有人教我用人手餵bb既方法,我試過係完全飲唔到,之後死左...鼠bb根本唔識得咁去飲,好易"續"死bb架.就好似人既bb仔咁,俾d飲管整d奶俾人bb飲,都係好危險啦.

鼠b一定要依賴鼠媽媽哺乳再生長落去,首先一定要將鼠爸分籠,而且唔好打擾佢地,已經係對鼠b最大既幫助

食唔理鼠bb or 鼠bb被食有幾個原因:
1)鼠媽媽未生完,有時生一胎會隔幾小時先再生,生完晒先會理鼠b
2)鼠b有第d動物既氣味,例如第隻鼠在場,有人既氣味,鼠媽覺得鼠b唔係自己生or覺得有第d動物攻擊鼠b,都會唔理
鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb
3)鼠媽媽覺得bb養唔大-鼠bb身體弱 or 自己冇足夠既奶分俾佢地
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
6)鼠bb死左

鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

另外,如果而家既鼠b冇事,就算鼠爸唔傷害鼠b,鼠媽媽有機會在而家既鼠b未戒奶時再生育,咁繁殖落去,實在可以短期內有一百幾十隻鼠(亦真係有網友試過數月內有80多隻),而到鼠b戒奶時(18-21日大),亦必須同父母分開,因為易有大蝦細or亂輪既機會,鼠鼠對自己既子女到戒奶期係完全再冇親子既感情(鼠爸更加係一直都唔會有)

繁殖鼠鼠真係有好多問題,希望你可以考慮一下唔好繁殖佢地,同埋可以一籠一鼠,原因如下:

1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

其實倉鼠媽媽天生有照顧bb既能力 其實做主人可以唔使點理佢地
同埋動物始終都係弱肉強食既生物 做媽媽既會揀d比較健康同大隻既去餵食
太弱果d動物媽媽可以除時唔理佢由佢死 唔使晒奶水
你記住倉鼠其實好細膽 你個籠係咪只係得兩隻倉鼠?唔係既話 最好將bb同媽媽
特別困係個細d既籠/兜 同埋你自己最好唔好成日掂d bb
因為bb身上有第二樣味既話 倉鼠媽媽有可能會直接咬死隻bb擺入口收埋
因為倉鼠的確係一種好好好細膽既生物 佢會怕外界野搞到自己bb
而成隻bb擺入口入面 所以我其實唔係太見意你自己餵佢地
除非 你真係可以抽到好多時間 每日去餵佢地 返工返學者 最好唔好啦
其實媽媽岩岩生完未必會即刻理d bb 生仔都累啦 何況倉鼠通常都唔止生一隻
想累死佢咩 佢仔息完通常會自己一隻隻倉鼠bb 擔返埋一齊再餵食
佢呢刻要將bb收係唔同地方 有可能係怕比人發現 你係咪成日摸佢地?

我以前屋企隻倉鼠生過好幾次 我通常都係由佢 連木康帶bb同媽媽擺入兜仔度
分開養 我廢事隻手掂到佢d bb 亦都廢事其他鼠鼠掂到bb 咁媽媽可以安心照顧bb嘛

你唔好理佢，同埋要分開鼠爸^.^