好驚有事, 會係癌症嗎?

我上兩個星期開始係左邊下巴近頸位置腫左少少, 差唔多一節手指公咁大到, 外面軟軟地, 禁入去有少少硬, 有少少痛. 睇醫生, 話係淋巴腫左, 食左第一次抗生素, 冇用, 再睇, 開過第二隻抗生素, 腫個度縮小左, 但係就仲有少少腫, 摸落去都係有少少硬. 醫生話唔洗再食藥. 但係其間有發燒(唔係持續燒), 咳(依家都有), 腫個邊耳仔有少少痛, 少少紅, 發炎(依家唔算痛喇.), 有試過朝早發現鼻有少少血(會唔會夜晚開冷氣太乾?), 但係唔係流個隻, 亦只係試過一次, 冇再發現.

發病咁耐, 成日好攰, 尤其夜晚. 冇乜胃口, 食藥個排有作嘔情況, 斷左藥後我都聽過試過想嘔. 咁前日, 又發現佢腫個邊頸既左邊有d一粒粒既野, 睇唔到, 但係禁落去就feel到,咁我問過醫生, 醫生叫我睇定d先, 唔似有事.

我問過另一個醫生朋友, 話咁既情況如果一星期都唔消腫可能係鼻烟癌或血癌. 我依家好驚真係有事呀, 另外都好驚自己係甲狀線癌或者係淋巴癌....點算好?