係咪肯幫手比首期?

我覺得應該佢老豆借首期比你男友，跟住一齊供，一齊還，層樓應該係寫你同你男友個名，因為你地先至係屋主，如果先寫佢老豆個名，結婚無人會包一生一世，有咩事係保障唔到你自己，仲有你也有比錢，為何要供完才能改你名，你地會供１０年定１５年或２０年，有無人會知１０年內無任何轉變先？你要想想，除了首期，裝修費，買傢俬都係要錢，遲ｄ你會過多數年又會有ｂｂ？你能夠供完樓才生ｂｂ嗎？總之一係寫你同男友名，一係寫晒三個名，如果一定只寫佢老豆同男友名，一係佢亞爸比全首期，供的是你男友（份糧扣除供數及這個月交通費，交際費，飯錢等，其餘交由你分配，因為一供樓，好多都要慳慳地，剩餘儲起還給比佢老豆付的首期），你份糧就付家的支出，例如，電費，差餉，水費，管理費，交稅等，．．．．（你剩餘便儲起計劃萬一有ｂｂ的打算），因為有事你無法証明間屋你有份？請你想想？

我覺得應該係寫你同你男朋友個名囉!

男友爸係借錢畀你哋買樓, 唔係佢買樓, 佢明明話希望你哋負擔少啲利息而去幫你哋嘛! 幫人又要落佢個名, 仲要明明你有份畀錢 (你唔好理你畀幾多錢吖) 又唔落你個名, 你話條數點計呀?! 世伯!

一係就咁, 你唔落名, 你唔駛畀幾萬出嚟幫手, 以後唔駛你供樓, 當然第日供完層樓你就梗係冇份啦! 至於將來生活時嘅日常駛費, 咪你同老公大家分擔囉!

你同我既情況99%一樣呀
唔同既係層樓只係得我男朋友既阿媽名
連男朋友個名都冇
不過我地(我同男朋友)都有哂共識
即使要分手都會分返我果份比我

其實睇你點諗囉
以我黎講
我自己keep返哂供樓(轉賬)既單據
萬一有咩事 都唔會口同鼻坳
而且我覺得呢家人真係對我好好
我細細個阿媽就唔要我
所以我當佢地屋企人一樣咁滯
如果真係分左手而咩都拎唔返
我會當係自己當黑識錯人
同埋當係還返咁多年既照顧比佢地囉

但係未必個個處境都一樣
我覺得你要以分左手又咩都拎唔返係最壞情況
諗下到時自己會點...好後悔??定係算數呢??
如果你有左答案
你就會知道呢一刻應唔應該繼續供落去
仲有唔好因為感情影響你既決定
始終感情會變 錢係唔會變
你要考慮既係最壞打算
而唔係諗「或者我地唔會分手呢」
如果係咁當然最好啦
不過有意外都應變到就仲好啦

希望你地以後都有幸福既生活啦

一層樓, 如果寫你同你老公個名, 幫手供係好正常的~

但如果寫佢爸同男朋名, 咁, 唔好介意, 諗得負面D,
如果中段離婚or結唔成婚, 你俾咗出o黎的錢, 佢地可以唔俾返你, 你亦無辦法追架~

所以, 除非有你名 or 結婚先 (離婚可分佢一半身家)
否則唔建議你幫手供
或者咁, 你唔好出錢住, 結o左婚先可似供 & 幫手還錢俾佢爸

唔一定的，主要睇妳想唔想同佢一齊供。或者佢供樓，妳處理其他雜項開支。最緊要事前有商有量，大家要有共識，不要因錢的問題，傷害彼此間的感情。