邊度有得整poster??

睇吓乜嘢budget啦，最緊要係個layout啫，我嘅話就自己整，scan咗相先，如果張相好細或者要求高啲嘅話就要俾人drum scan喇，通常1蚊1Mb，又或者經濟啲去晒相鋪scan，所有料齊晒之後決定要乜嘢mood，其實想整乜都可以，有illustrator定photoshop就得，最緊要自己滿意啫。如果搵freelancer約1-2k一張左右（平嗰啲）
如果自己真係唔識喎，可以試吓用一個叫mosaic的方法，中文叫馬賽克。上搜尋網或download.com用mosaic搵freeware或shareware，就可以用手上嘅相（最好有2500張以上）即係自己啲有記念價值嘅相，砌一張圖出嚟。（以前迪士尼啲puzzle不時會用）如果最後張poster有番A1咁大（8張影印紙）就可以睇番裡面啲相有邊個㖭。
最後去一間有數碼輸出嘅影印鋪，揀大細揀紙（有啲有油畫布紋）A1都係100蚊有找。
其實老實講，出面專業嘅designer都唔會接太濕碎嘅poster job，又真係未見過有接散job，所以都係自己攪好。
個人小小意見。