食厭左隻糧, 點算 ?

我兩隻狗狗都係咁呀 =.= 要周不時同佢地轉糧,最長係食NV...
你平時會唔會比好多零食佢食呀?如果會,就慢慢同佢減零食...
可能佢唔鐘意食FROMM 三文魚糧,你試下拎多幾種比佢試下...
琴日佢地食左正餐後,我比左三種糧佢地試,Foundations羊 反應麻麻; Fromm 雞 反應一般; Iceland 雞 反應幾好...遲D會再比佢地試多幾種...
你亦可以試下浸淋D糧比佢食...
如果佢都係唔食,你可以試下加D罐頭濕糧/奶粉/狗餅碎/一D佢鐘意食既野 落D糧度...
你隻狗狗有敏感係咪對雞肉有敏感,如果唔係而你又有時間既,可以自己整雞肉加菜比佢食..

我兩隻狗狗都係唔多肯食糧...
仔仔好肚餓既話,咩都唔加同唔浸都肯食,但唔食得多;唔係好餓就浸淋少少,有時要加少少罐頭濕糧就肯食晒...
囡囡一定要加奶粉/餅碎先肯食,浸淋就食得多,唔浸就食少少...有時用手餵佢就會食得晒...

有D人話,如果佢唔食就收起D糧,餓佢幾餐就會肯食...但對我D狗狗黎講係無用既,佢地一樣唔食,果排仲搞到佢地廋左好多呀,見到都可憐...你亦可以試下呢個方法有無用...

2007-10-09 16:56:23 補充：
如果你隻狗狗係身體健康既話, 暫時唔好理佢住, 餓多佢幾餐睇下佢食唔食...同埋你帶佢去做多D運動, 佢就會肚餓, 就會乖乖地食架喇...另外,你係邊度比佢食架? 我平時係廳度比佢地食,但佢地成日掛住玩, 我琴晚困佢地入返自己房食, 過左一陣佢地就食晒...佢再唔食你就要搵下有乜方法可以令佢食啦...如果你怕佢廋既話,你可以暫時比D營養膏佢食...另外有隻叫 SUPER FAT既野都幾好架...我仔仔囡囡唔肯食野果排我就係比營養膏加SUPER FAT佢地食,所以先唔會變廋咋...

正常情況 狗狗好少好似人咁會食厭一樣野咖
其實我屋企有隻狗養左7年 真係未試過因為食厭狗糧而唔肯食
唔食糧可以有好多原因:
扭計/轉左新糧/隻狗糧味太淡唔肯食/病左/平時食太多零食 等等
我隻狗狗有時好衰格 坐係兜狗糧面前但唔食 要人手餵 係度扭計
每次轉新糧應該大半並糧少少新糧 慢慢減少舊糧增加新糧 直到完全轉用新糧
有時有d天然糧 味道比較淡 因為味精雜質冇咁多 變左吸引力唔大
呢個時候唯有要迫下佢食 由佢餓下 餓到要食野自然會食
有d病會令狗狗胃口大減 如果狗狗本身冇轉糧而冇啦啦唔食有可能病左咖
人同狗一樣 食得太多零食係冇胃口食正餐咖
有時我會加d白飯溝糧比狗狗食 不過我從來唔會比濕糧狗狗食
因為濕糧會食到狗狗個口好臭 (我以前有隻老狗冇牙阿媽長期比濕糧佢食 真係幾口臭)

其實你隻狗狗幾大?狗狗有乜野敏感? 你平時其實又多唔多陪狗狗玩?
有時狗狗真係會好似小朋友仔咁 好容易扭計 主人食日唔理佢地
佢地都有可能唔食野去引主人理佢地咖
我屋企有6隻狗狗 但真係冇一隻試過對狗糧食到厭 最常見只有隻老狗扭計
次次要我餵 因為佢係我養最耐果隻 成日要有優待= =