zippo打火機tak極tak唔著=.=

一定係唔夠電油,因為zippo火機好好打!
要買火機電油,有啲鐘錶店連火機都有得賣嘅就有,又或者有啲晌街邊修理手錶同火機嘅檔口都有賣。
要入電油就要打開個蓋,拉個機肉出嚟,晌個機肉底有個小孔,將電油慢慢吱入去,直至你感覺到啲棉唔吸電油為止。再將機肉放回原位,等十分鐘後先打火,因為電油需要時間比啲棉吸收。
而機肉底有粒鏍絲,係比你換火石嘅,要換火石時,用個一毫子摟開鏍絲,擺粒新火石落去就得喇。
我提議你買電油時買埋火石。

2007-10-11 17:39:52 補充：
火石同小鐵輪磨擦,產生火花,點著電油,於是有火;當火石用完就點唔著。一般來說,火石可以點60-80包煙(1200-1600支)左右。