✔ 最佳答案
如果個籠係通風式,好多鼠鼠都會咬籠,都會好嘈,但唔好由佢,一來咬甩d油食落肚唔好,二來咬得多好易令鼠鼠鼻下同咀下甩毛甚至損
我就唔建議加d美毛膏在磨牙石上,因為係好肥既野唻既,鼠鼠食既野好影響鼠鼠既健康,肥胖又易誘發疾病
雖然鼠店會話好有益,但鼠店始終都係做生意既地方,好多零食冇益都會話好好,所以鼠店講既野最好自行判斷再相信
教鼠鼠唔好咬籠既方法:
一.首先要同隻鼠鼠熟既先,唔熟好難教得識
鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱
二.我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次
2007-10-07 23:23:19 補充：
忘記講,如果見到磨牙石好黃,應該係鼠鼠在上面尿,因為鼠鼠會用尿or分秘物去表示該物品係屬於佢既,所以好易有呢個情況最好當然係換一舊磨牙石,仲要留意,磨牙石都要成日洗既,洗完用食水沖一沖,咁就唔怕鼠鼠食到生水了
2007-10-09 21:41:43 補充：
如果想KEEP返舊有既磨牙石都可以既,但真係要洗好先有尿係唔影響佢咬唔咬,鼠鼠有時會在食物上排泄,而且鼠鼠係會食返自己排泄物,所以咁係冇咩問題,只係當磨牙石有尿,又成日會放在籠內,咁就對人對鼠都較唔衛生
2007-10-09 21:42:15 補充：
其實控制唔到鼠鼠咬唔咬,冇得迫既,而加美毛膏既方法我細個時試過,鼠鼠只會舔D膏唔會去咬,而家知道美毛膏唔好,更加唔會去用如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制 同專俾鼠鼠用既磨牙用品係最好既
