想生BB,中醫說我子宮寒(可吃甚麽呀).

妳依家都睇緊中醫，佢都應該幫緊妳（食中醫都要幾長時間嚟吸收，所以妳都唔可以心急，其實食中藥都要視乎個人體質唔同，吸收得好就應該好怏有，吸收得唔好就比較內好多咖），中藥裡面有幾隻藥都幫助到子宮冷（如：女貞子，柯膠），我都聽過中醫講過，
子宫冷可說是不孕成因之一，以中醫角度嚟講，因為子宫頸的溫度唔夠（可以形容一座大廈嘅地基打得唔好，所以出嚟效果有問題），所以無法令卵子同精子結合着床．其實可測到是否子宫冷，中醫講過一般子宫冷可摸到腹部對下會偏凍，所謂子宫冷．
而西醫角度不一樣講法，因西醫只話卵子／精子質量唔好或數量唔足夠，所以形成不孕．妳真系子宮冷的話，如果將來有咗ＢＢ一定要好小心，因為子宮冷會令着床比較難，到時妳更要食多啲膠質食物呀！

所以平時應盡量減少飲凍嘢！食多啲有膠質／滋陰嘅食物，如：花膠，燕窩，冬虫草或雪蛤膏．多食花膠都無妨，因有滋陰同有黏性作用的，都有一定的輔助子宮嘅功能！

涼嘢如瓜類菜類（所有瓜類，白菜，小塘菜，紹菜，娃娃菜都熟偏涼），未有ＢＢ前都盡量小食或唔好食咁多．

以下有小小資料可給妳作參考：（未有時，西醫婦產科醫生亦講過，以下東西都會影響懷孕，所以我有的時候，都好小心食嘢）．

婦產科醫生比咗張紙我，說有咗之後忌食什麼東西．
忌服：木瓜，苦瓜，黃瓜（即青瓜），節瓜等．
忌飲的東西：含咖啡因飲料，如中國茶，奶茶，檸檬茶，唂咕及可樂等．
每週吃海鮮不可多過四餐，如魚，干瑤柱，帶子，象拔蚌及蠔市等．
以上的食物都對胎兒有一定的影響，盡量忍口吧！不可不信！
木瓜真的很厲害，我試過小產之後無做任何手術，只吃木瓜都可以落掉個胎．

我有咗的時候，好多菜都唔敢食，只食菜心，油蜜菜(中醫講)，西生菜小許．可以飲鮮奶同孕婦奶粉都可以補充營養或者鮮奶燕窩／燕窩燉雞／花膠燉雞．豬都得(好有營養)．

祝妳早日成功，身體健康！

你可試吓食冬蟲夏草(牌子:綠養坊), 上次我也是銅羅灣的專櫃sales介紹我食, 食食吓有了bb便停了....