w610i定k750i好呀?

✔ 最佳答案

SonyEricsson K750i 詳細測試報告

\

外型:
一如以往 SE 既特色，可以話沒有甚麼突破，唯一改善左的地方，按鈕變得穩固，不像以前常常給人感覺像是快要鬆脫，另外一提就是背部的相機鏡頭，採用了推蓋式開關，比以前更加舒服方便，更添一種 cyber 感覺，但個人覺得如果有新的改進會更為好。
螢幕:
K 系列第 1 部 26 萬色 TFT 螢幕，比較返過往 SE 既直身機，的確進步了很多，色彩比較起來更有層次感同鮮艷，可惜解像度仍未達到 QVGA ( 240 x 320 )，仍是 176 x 220，感覺起來，係睇相同睇網頁時，都會有少少微粒，另外色彩方面，雖然係比以前好，但比較返 S700i 同其他大廠既 26 萬色TFT 芒，感覺上 K750i 既色澤就好像有少少比較沈實，過份鮮艷，沒有那種柔和既感覺。
音效:

呢個係 K750i 主打賣點之一，支援一般 mp3/aac 格式，並沒有任何 size 既限制，而且支援到 320 kbps，最令人驚喜既就係鈴聲，可以話係市面最大聲既手機之一，個人覺得 K750i 比 MO 記 E398 更加大聲，而且係 K750i 調較到最大聲，聲音都唔會出現太拆既情況。
操作:
系統格式仍舊採用左 9 宮格形式，沒甚麼大改變過 . 而機側既制就比之前做得更 smooth，唔會好似之前咁 ' 突 ' 出黎，但有 delay 既情況，按鍵反應較慢，而且 load 相比較耐。
相機功能:

K750i 另一主打賣點，200 萬像 CMOS 鏡頭，佩備了自動對焦同 4X 數碼變焦，雖然 K750i 採用 CMOS 鏡頭，大家可能會認為比 CCD 鏡頭差，但今次 K750i 就證明左 CMOS 都可以做得好好，相既效果，完全唔會話有好多微粒及爆格既情況，色澤方面完全夠鮮艷同柔和，而且 K750i 採用左 SONY Cyber-shot 介面，令用家更易上手，更方便返用開 SONY 相機既用戶，但始終有少少缺點，使用自動對焦時同影夜境時，影出黎既效果會有少許模糊，都會出現好多雜訊，建議大家就唔好用自動對焦，或者可以下載 softwaver 改善這情況。另外，K750i 既閃光燈今次做得非常好，完全夠光，唔似得 K700i 太暗，開左好似冇開咁.....。

對比返 Sharp SX813 ，編者覺得 K750i 在正常影相模式上，相對上較 SX813 好，但 zoom 方面就 SX813 略勝一籌，因為 SX813 影相時，出黎既效果，常常出現一些模糊既情況，用自動對焦時，情況更為嚴重。
記憶體:
內置 34 MB，並支援至 1GB 既 Memory Stick PRO Duo，不論內置同外置記憶都十分足夠用家使用，並不會像其他手機內置記憶不夠，常常擔心要刪一些文件或遊戲才夠足夠空間儲存其他野，或迫住儲存在記憶卡中。
實用性:
有日曆，計算機，鬧鐘功能，支援藍芽( 暫時試過咩機都連到 )，秒錶，睡眠模式，及 FM 收音機。
電池:
電池都算耐用，一般使用的話可以用到 3 日左右，如果係成日聽歌同影相，都可以用到 1 日多。
通話和接收:
十分清晰，而且夠大聲，好少出現雜音既情況。
編者建議:
編者甚少會建議人買 SE 既機 ( 即使 s700i )，但今次 K750i 就真係唔錯，可以話符合一般到高要求既用家，而且 hang 機情況少左，但唔太建議大家咁早買，始終第一批機問題較多，不論軟件同硬件，最好到 7 月中之後 ( 新一批貨 ) 才入貨。

出現既問題:
1) 螢幕於按鍵時，出現一些好似按落果 mon 既現象 ( 請現有 k750i 既使用者即刻換，因為一些網友，竟誤以為是特別效果 )。
2) 有些中文字出現未能正常顯示。
3) 另外，係影相時間中會出現 hang 機。

回答 (3)