我想養倉鼠!!養過的人麻煩幫幫我!!(新手!10分)

多問題唔緊要,我最欣賞人養寵物之前先了解再養,好過養既時候有咩出錯先唻補救,希望我幫到你啦,但因為要答既野實在非常多,有部份資料,煩請參考以往我回答既知識(已附上LINK),唔係四千字實在唔夠用,如果有咩唔明,可再補充,如果我用晒字數,會用網友來信回答你

1.揀鼠鼠要留意以下幾點:
a)最好夜少少先去買,因為鼠鼠係夜晚活動日頭訓覺,所以太早去買鼠鼠會比較呆,咁就難分佢係咪有病.
b)唔多點郁既鼠鼠可能有病,好多病都會令鼠鼠好疲倦.
c)留意鼠鼠身形會唔會特別肥or特別瘦,兩樣都唔好既,可能太早戒奶,唔健康or過肥,甚至體內有癗腫.
d)留意鼠鼠既毛有冇甩左一部份,會唔會有腫瘤,摸落去會唔會好"鞋"咁
e)眼睛唔好有眼水,要乾淨,可以完全張開.
f)鼻要乾淨清潔
g)呼吸正常,唔會喘晒氣咁
h)腮部冇問題,可以正常地放野食入腮同整到出唻.
i)排泄位置乾淨清楚,唔會瀉瀉地.
j)冇外傷,冇流血

2.養鼠要準備既物品同思想上要準備既野如下的B項:
http://hk.knowledge.yahoo.com/question/?qid=7007070304066

3.鼠鼠要用鼠專用既沖涼粉沖涼,一般鼠店有得買架啦

4我既鼠食開MAEUKAN牌子既糧,較多瓜子,但我唔會俾鼠鼠食其他野,只係食主糧,所以就覺得冇咩問題,以我既經驗唻講,愈少雜食既鼠愈長命,而PRESTIGE亦唔錯

5.見到污糟就要清潔,特別係熱既時候,唔係鼠鼠好易有皮膚病,一般唻講最少一星期洗一次籠

6.我冇對某鼠店較有信心,始終覺得鼠店都係做生意既地方,佢唔會話你知佢店內有咩零食係好冇益,所以好多野店員講既野我都唔會盡信

7.鼠鼠一星期沖一次涼,如果係熱天,最多都係一星期沖兩次,沖得多反而會令鼠鼠抵抗力下降
同鼠鼠沖涼既步驟:
a) 要將鼠鼠放去第個盆or籠度,我就用養龜仔之類既小缸同鼠鼠沖涼既.
b)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下.
c)用手掃下鼠鼠身上既沖涼粉or由得鼠鼠自己整走都ok.
d)再將鼠鼠整左落唻既粉整多2-3次落鼠鼠身上(用未用過既都可以)
e)沖完涼將鼠鼠身上既粉掃走,咁就可以放返鼠鼠入籠啦.

同鼠鼠沖涼,要留意以下幾點:
a)要用沖涼粉,唔可以用水,唔係好易令鼠鼠感冒既.
b)唔可以日日沖,一星期沖一次,最多兩次就ok啦,成日沖涼會令鼠鼠抵抗力下降既.
c)盡量避免沖涼粉整到鼠鼠既眼耳口鼻

8.咩鼠好就要睇返你鍾意D咩,你可以去以下我回答既知識參考一下,細隻既鼠我較喜歡小紫王,大隻既我就鍾意熊仔鼠
http://hk.knowledge.yahoo.com/question/?qid=7007080606027

9.細品種既鼠一般係1.5-2年命,而熊仔鼠就大約3年,但當場養得好唔好都會有唔同,熊仔鼠我試過養左4年呢

10.如果可以一籠一鼠既話,其實養男定女並冇所謂
男仔我覺得會乖d我一直大部份鼠都係男仔唻既)又少左子宮出現問題,不過一隻生活,冇交配同生bb,子宮患病既機會都會少好多
而分泌既氣味唻講,我覺得真係男鼠勁好多,老左仲勁,我本身有嚴重既鼻敏感,冇咩嗅覺,但都會覺得幾臭下
多數女鼠愈唻愈惡,男鼠則相反,但只要唔係生過BB,唔係有病,唔係一籠多鼠,尊重鼠鼠,同鼠鼠熟既話,其實鼠鼠都唔會好惡

11.其實有轉輪都好足夠,另外可以買D木制玩具,玩得又可以磨牙,詳細在2既回答有講

12.鼠鼠走左佬好難引到出唻,最好就係主動去搵鼠鼠,鼠鼠最喜歡呢埋角落位架啦,但最好緊係預防有呢個機會發生更好啦,你可以用匙扣扣住籠既門,放鼠鼠出唻時搵野圍住,咁就冇咁易走鼠架啦,詳細D既方法如下:
http://hk.knowledge.yahoo.com/question/?qid=7007091104446

13.養鼠可平可貴,睇你想點養既,好難真係計到幾多錢
鼠糧一個月都食唔到一包,但計一包啦,木糠我就用半包最大既左右($30一條,我用既籠好大既),加埋都只係50-60左右,當然唔包間中要買沖涼粉,磨牙石之類.仲有如果睇醫生就另計,所以好難計到一個月真係用幾多$

2007-10-07 18:31:23 補充：
有網友既講法唔太認同,希望樓下再樓下既網友唔好介意,亦希望可以留意一下以下問題:Q7.同鼠鼠沖涼最好係用沖涼粉,用水沖好易有感冒既,雖然用水唔係100%會感冒,但可避免既當然係唔好咁做啦原居沙漠既倉鼠,根本較難會接觸到好多水,佢地都係用沙自己沖涼既,我第一次養鼠時,家人教我用水同鼠鼠沖涼,細個咩都唔識,同隻鼠咁沖,之後隻鼠就死左了而沖涼粉的確唔可以沖咁多,係怕洗走鼠鼠身上既抵抗力,沖得多會有機會甩毛,而如果沖涼粉放在籠,咁就控制唔到鼠鼠幾耐沖一次了,好易一日沖好多次,咁就麻煩了另Q8.倉鼠應該唔會有7,8年命

2007-10-08 14:56:57 補充：
睇漏左少少,唔好意思鼠鼠係日頭訓覺夜晚活動,慢慢變得比較怕光,所以如果鼠鼠走佬,用光既話,係會令鼠鼠走得更快.最好都係去d暗既地方搵下

Q1.生唔生猛+眼睛好光+有冇脫毛+...
Q2.籠+唬跑跑輪+水樽+糧兜+屋仔沖源屋
Q3.洗身粉~ALEX~牌子
Q4.ALEX
Q5.一星期最好2次~唔好洗咁多~會搞倉倉好緊張><
Q6.你住邊?邊間都冇問題，價錢問題姐...
Q7.一星期最多一次(暖水)~洗身粉放係個籠到
Q8.隨你喜好~我買黃金~小露寶啱睇唔啱玩(佢地好神經質)
Q9.短則3~4年，長則7~8年(老死)我個隻養左3年喇^^
Q10.男乖D~不過都係睇性格同眼原(我個隻係女仔)
Q11.最好買~因為佢地會覺得悶(自製都唔錯)(迷宮)
Q12.
A.首先要冷靜
B.用光引佢~然後先用食物,再唔得先至用手

1.毛沒有火澤，呵爛屎,唔郁
2.鐵攏，木康，小屋，水樽，倉鼠糧，比佢咬的木頭，
行動箱（有手環），冬天用的保暖棉花
3.沖涼粉
4.Ｋ字頭的糧
5.夏天3天，冬天1星期
6.旺角間間都可以
7.跟5一樣
8.小路寶，俄羅斯倉較純，（其實領養他人出生的倉鼠BB會跟人）
9.我曾養過2年之後老死
10.男
11要，咬牙用木頭玩用
12食物
13開頭最高３０0﹣５００
之後是１００以內

1.睇下佢個樣係咪死死下,,
2.籠/food
3專用個d
4.食開一隻就可以了,,
5.1星期
6.有信譽
7一星期二次
8.你鐘意LO
9..5 AGE就開始死死下架拿
10.SAME
11要,,由其有活動個「跑步轉轉」
12.搵番佢,,我之前就由佢係屋企自己行番出黎,,但二星期後佢開始咬人
SO見意快d捉番佢