覺得個女好煩！

我個女3,4歲時我亦覺佢好煩,尤其是當時屋企有d問題,更加後悔生咗佢,
我直頭諗--佢係咪嚟攞債?但當自己平心靜氣時,望吓佢,又會覺得佢都幾可愛.
你試吓喺佢瞓咗時細心睇吓佢個樣,你會覺得一個咁得意的細蚊仔,點解自己唔比多d耐性同愛心佢呢?既然已做咗媽媽,係冇得返轉頭,多d發掘佢的優點,點討吓自己係咪可以再好d.
而家我個女已經12歲,真係話咁快,佢而家唔使我煩啦,但我反而覺得好空虛.
比d心機啦,個個亞媽都係咁捱!

你放鬆d啦!!細路仔佢有咁既行為,有佢原因既,去大便既野你唔駛咁緊張佢急你唔駛叫佢都會去....係學校做得到既野係屋企佢都係激下你既姐,佢想你鍚佢多d!因為佢諗咁樣你會關心下佢,佢7歲都feel到你係咩心態去對佢架!你用覺得好似每一日都為佢而活既心態,對大家都唔好...點解你唔試下同個仔做朋友呢?同佢做fd佢會聽多d你講到時你就無咁激氣啦...唔好覺得自己好似為佢而活咁,諗下你當初生佢果時既母愛去左邊?死解決唔倒件事,死左你個仔點算....做女人要撐得住頭家就要撐住自己,唔好成日咁灰,樂觀d啦!!!!

你千其唔好呀,如果你想佢聽你話,你就同佢說,如果考試、測驗、默書唔合格,你就無得出街、看電視等想做D野都做,不過如果你試、測驗、默書合格,就咩野都做到,仲要每科70 或以上,仲有野獎,佢係聰明都會努力讀書!!希望幫到你!!!

小朋友係咁嫁啦
成日都鍾意扭下計
慢慢黎,慢慢教
到佢再大d個陣就佢就唔會再成日扭計嫁啦
既然你都生左佢出黎
後悔都已經太遲啦
你唔生都生左囉
就要有做媽媽既責任
個個媽媽都係咁嫁啦
等到佢大個,你就知你既付出係有收穫嫁!