請問拍攝人像夜景及雪景技巧及相機推介

以下網頁有介紹夜景人像柔雪景的技巧
聖誕夜景人像拍攝攻略
http://www.dcfever.com/specials/2005/km_winter/
雪景拍攝
http://old.photosharp.com.tw/classroom/liu/mountain-11.htm
我再補充小小,夜景用閃燈個人會假主要係用咗自動模式,快門加快咗背景變暗所引致.只要加長快門等背景光翻就冇事.
其他原因就係閃燈受黑環境影響輸出過大,可以適量減翻閃燈補償.要求再高啲唔想閃燈咁生硬可以在閃燈上加反光板,閃燈光就會比較柔和.
色溫方面如果要用閃燈其實好被動,因為要就翻閃燈既光,只可以用自動,日光或者閃燈白平衡,即使係咁,因為夜景曝光時間長,光源會同時混合閃燈光同現場光,變化莫測的,最好人物的企的地方冇現場光到會容易控制一點,但有時唔控制得咁多,為保險計最好影raw,事後就算夾唔翻人同景都起碼唔俾個人偏色.
關於人物同背景夾色我寫咗篇文,你可以去睇睇
http://photo.popart.hk/userarticle/article.php?articleid=68
最後係好多人爭論快門應該幾快的問題,有啲人鐘意用好細光圈影到前後都清,影旅行照當然咁係最理想,但我覺得要適可而止,太長時間個人郁咗就變咗影景唔係影人.我覺得頂盡2秒,寧可唔用最低iso,光圈f8左右也差不多,最多個人唔好影咁大.
雪景最主要係注意唔好俾白雪誤導測光系統令相片變暗,要時刻留意加翻曝光補償.最好習慣下用Histogram睇曝光,因為太陽下睇LCD mon好唔準的.
要相靚DSLR是首選,40D絶對可以勝任,如果你諗住唔帶腳架,最好配支有防震的鏡頭例如17-85 mm f4 IS USM或者17-55 mm f2.8 IS USM.咁就算夜景人像如果唔係太暗都勉強影到.(效果當然冇用腳架咁好但大多數人會咁揀)如果帶腳架咁就只要配支焦距夠用既鏡就得,大約18-50mm左右便OK.例如Sigma 18-50 mm f2.8, Tamron 17-50 mm f2.8等都OK.