我以前試過同唔同既女仔一齊,都冇愛得過咁深
雖然愛得好深,但係有一個好大既問題,
就係佢有男朋友(佢識我之前係straight)
本來我以為我自己可以忍受到,因為佢同男朋友好少見面
但係時間越耐,愛佢亦都越深,好想完全咁擁有佢
不過我從來都冇逼佢同男朋友分手,因為我覺得我一逼佢,佢會選擇放棄我
我曾經有問過佢會唔會同男朋友分手
佢話唔會,因為覺得佢男朋友好無辜而且佢一直都唔承認自己係les or bi
搞到我都唔知點樣好
直到尋晚,我忽然間諗到佢地相處,搞野既場面,
我訓唔著,我喊得好犀利
我真係好辛苦,我想佢係完全屬於我,但我可以點
我真係唔想放棄佢！
更新1:
佢男朋友同佢既關係已經係親密到佢男朋友會出附屬卡俾佢而且仲同佢屋企好熟 我自問生活上既暫時未可以照顧到佢 但係我知道佢可以照顧到自己,而且我對佢都好好 無論咩時候都會陪住佢,可以做既我都做曬, 唔好既習慣都因為佢而改左(我以前既女朋友叫我改我都冇改過) 我o岩o岩同佢一齊既時候,我都有女朋友, 都一齊左七年,但係為左佢,我都同佢分左手, 因為想俾佢知道我只會愛佢一個人, 同樣,我都想佢只會愛我一個 只會比我一個人去擁有 我應該點同佢講而又唔會逼到佢同我分手? 或者我應該繼續企係呢個位置
更新2:
我同佢一齊咁耐,我都冇諗過要離開, 我知道我做呢個角色1d都唔討好 但係我唔想冇左佢 好多人同我講,愛一個唔等於要擁有 但當你愛一個人,發現佢身邊既人比唔到幸福佢 咁..你想唔想擁有佢? 我明白佢生活上真係有佢既付擔,但自從佢同左我一齊之後, 都好少洗佢男朋友既錢,就算credit card都係自己俾錢... 我知道呢個唔係佢唔同男朋友分開既理由 而係..佢唔想接受自己係同緊一個女仔一齊既事實.. 或者我應該問有乜野方法可以令到佢接受呢一個事實呢
