超急!!!!!!我隻倉鼠剛剛生左7-8隻bb..我e+要點做???!!20分!!

鼠b剛出世時係未識行既,去唔到鼠媽都正常,只要鼠媽媽唔係放棄呢隻鼠b,佢就會將bb帶返去鼠窩;但如果佢係唔要隻b先放開既,都幫唔到佢,因為鼠b一定要飲鼠媽媽既奶先可以長大

A.而家只可以做到既係唔理佢,唔好攪佢地,唔係令鼠媽媽緊張既話,連其他都有危險

食唔理鼠bb or 鼠bb被食有幾個原因:
1)鼠媽媽未生完,有時生一胎會隔幾小時先再生,生完晒先會理鼠b
2)鼠b有第d動物既氣味,例如第隻鼠在場,有人既氣味,鼠媽覺得鼠b唔係自己生or覺得有第d動物攻擊鼠b,都會唔理
鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb
3)鼠媽媽覺得bb養唔大-鼠bb身體弱 or 自己冇足夠既奶分俾佢地
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
6)鼠bb死左

鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

B.正常一出世既鼠b都係粉紅色,就算佢長大係灰色,出世都應該係粉紅色既,如果你見鼠B呈灰色or紫藍,黑色等,可能係缺氧,可能出世時有困難or天生有問題,又或出生後鼠媽媽將鼠b放入腮,放得耐左都會有呢個情況
同樣地只可以唔理佢地,先幫到佢

如果係已出世好幾日,有d生左毛有d未就正常
又長大後如果d毛唔同色都係正常,因為就算兩隻白色既鼠都會生出黑色既鼠,原因係白色既鼠既顯性基因係白色,隱性基因係黑色,遺傳左隱性基因就會咁

C.另外,繁殖鼠鼠真係有好多問題,希望你可以考慮一下唔好繁殖佢地,同埋可以一籠一鼠,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-10-07 12:09:11 補充：
唔好俾牛奶俾鼠媽媽飲,因為咁好易令鼠媽媽肚瀉,要俾奶粉沖既奶先得

2007-10-07 12:23:27 補充：
平日我唔建議俾蔬果俾鼠鼠食,而生完bb既情況下,更加係絕對地唔好俾呢d鼠鼠食,因為咁係十分危險,如果樓下網友都有繁殖鼠既話,希望都要留意返呢個問題(唔好介意我咁講,我只想大家既鼠都好),原因如下:1)蔬果係好易變壞,如果俾左鼠鼠食,就要成日放入籠or拎走未食完既,咁就對鼠媽媽十分打擾2)鼠鼠原本生活在沙漠,冇咩機會食到咁多水份既植物,食得過糧係好易令鼠鼠肚瀉既,所以我就覺得只係俾主糧俾鼠鼠已經足夠,生完bb既鼠可以另買一d鼠專食既魚乾去補下3)當鼠B大到咁上下,大約12日大既時候,就會自己出去搵野食,如果仲KEEP住俾鼠鼠食蔬果,好易俾鼠B食左,咁樣鼠B除左易肚瀉之外,都好易會梗死

2007-10-07 12:23:39 補充：
男B一籠女B一籠其實都十分易打,我細個就係咁,將感情要好既同性鼠兩隻兩隻一籠,最後其中兩隻最FD既就打到頭都甩埋呢而鼠B分籠,係18-21日大,戒奶後就要分,兩個月就有點冒險了,因鼠鼠18日至一個月大左右已有生殖能力,視乎品種而定

2007-10-07 18:35:23 補充：
TO:yin_ko唔緊要,其實留意返鼠鼠大約都係廿多日大就會放在鼠店度賣,咁就唔難明白鼠鼠已有生殖能力呢,而細鼠中,小露寶更加係試過14日大已有生殖能力,但十分少見而已

2007-10-07 22:52:04 補充：
如果用匙整鼠B埋鼠媽度,好易整傷鼠B,而且如果係鼠媽決定唔理鼠B,無論鼠B幾接近鼠媽,鼠媽都一樣唔會俾奶鼠B飲,所以我覺得最好唔好咁做,一陣驚動到鼠媽,其他鼠B都有危險呢

送俾你嘅朋友或寵物店~如果你想養就買多幾個籠囉^^唔同色冇咩問題嫁~用未用過嘅匙斤不番佢去媽媽到

即係D bb生左幾多日?
首先要將baba分開(擺係另一個籠)
因為佢唔知bb係佢ge仔仔囡囡
可能會對bb不利

而你自己就唔好幫佢地換木糠
更加唔好掂bb
因為媽咪聞到bb既氣味唔同左(你果D味)
會放棄bb
即係食左bb
有時媽咪會為左保護bb而食左佢入個食物襄
佢自己都唔知咁樣會令bb窒息
所以唔好"so"擾佢地
搵條毛巾遮一遮個籠(當然唔好包實個籠la)
咁樣佢地會有多D安全感
最多換食物比媽咪好la(唔好成日換)

到左18~21日,
bb已經戒奶la
可以掂佢地
亦都可以同mama分籠
因為mama已經唔會再照顧佢地
可能仲會蝦佢地tim
bb呢戒奶之後一個月可以繼續一齊住
但如果2個月仲男男女女一齊住
可能會生好多孫(即亂倫)
亂倫既孫孫可能會有缺陷
或者智商偏低
就好似人類
哥哥同妹妹生bb咁
二來太多bb同孫孫照顧就有排煩
所以為左避免呢D情況
bb兩個月大就要分籠
最好一籠一鼠
你可以男一籠,女一籠
不過佢地可能會打膠

如果你認為太多鼠ge話
可以比D戒左奶ge bb比鼠店或者親友
鼠店大多會收年幼ge 鼠鼠

mama生完要進補下la
可以比D碎ge麫包
mama唔敏感ge可以比D蔬果佢食
‧‧可吃食物‧‧ (from rodentrus)

蔬菜類"青菜、荷蘭豆、紅蘿蔔、南瓜 、薯仔、小蕃茄、捲心菜、白菜仔、菠菜
種子類"西瓜的核、杏仁、葵花子、花生
水果類"藍莓(証實可延長老鼠的壽命)、蘋果、啤梨、士多啤梨、提子、密瓜、木瓜、香蕉
穀物類"雞/小鳥用飼料、小麥、燕麥、粟米*、高粱、喬麥
植物類"三葉草、蒲公英、葛類、車前草
動物性蛋白"水煮蛋的蛋白、小動物用低鹽芝士、牛奶(並不是每隻鼠可接受，可能會肚瀉)、 原味乳酪、盒裝原味豆腐、麵包虫、小動物用小魚乾

其他類"嬰兒用的蔬果泥、鹽石

* 有些動物是對粟米有敏感，可能會引起皮膚乾燥、痕的現象

‧‧有害食物‧‧

蔬菜類"洋蔥、蔥葉（會破壞血液成分）、大蒜、生薑、韭菜、芹菜（刺激性太強）、蕃茄和馬鈴薯的葉和莖 、茄子、綠豆、未煮的乾紅腰豆(phytohemagglutinin會引起嚴重肚瀉)
水果類"橘子類、車厘子、牛油果、梅子、琵琶、桃的核、蘋果的核（會引起心臟麻痺、胃腸障礙、呼吸困難）
植物類"水仙、鬱金香、牽牛花、杜鵑、蘭花、菖蒲、風信子、蕨類、仙客來、繡球花、桔梗、羊齒類、愛麗斯
其他類"人類的零食/汽水、餅乾、朱古力和咖啡（咖啡因會引起心臟麻痺）、酒 、飯和乾果(太黏會引起頰囊炎)

mama生完bb會好操勞
所以唔好比baba入番同一籠la
否則再生過
mama會好辛苦ga

questions"
1.仲有一隻bb走唔到過去媽媽到....我點好..想幫又幫唔到..
mama知道點幫bb ga la
唔使擔心
mama會用口含住bb入番屋ga(你個籠有屋ge 話)
普通情況下mama唔會食左bb ge

2.唔知點解有二隻唔同色既..其他係粉紅...但個二隻係灰色??
灰色果D應該生左毛
粉紅色就未
bb毎隻ge生長速度都唔同ga ma
所以有D快,有D慢都正常

註"
如果不幸mama食左bb
盡量唔好處理屍體住
若果屍體係其他bb冇去到ge地方(即周圍冇其他bb)
要洗乾淨對手+用即棄手套擺番屍體出黎處理

希望你ge鼠鼠身體健康~~

2007-10-07 15:10:33 補充：
to杰"我仲以為第2個月先係成熟期tim*~~~~~sori

倉鼠於兩個月大時便可進行交配（你買倉鼠時，牠們應該只有一個月大），母鼠的懷孕期為兩星期，但通常牠懷孕後一星期你才會發覺，此時請立即把其他的倉鼠分隔開，讓母鼠獨個兒休養，在籠中多放一些木糠和食物，然後把籠子放在隱密、不受干擾、乾爽、通風良好的地方。之後只可靜靜地觀看，不要清理籠子（等到幼鼠開眼後才可清理），不要騷擾牠，牠自會順利地產下鼠仔來。

　　幼鼠全身覆蓋著粉紅色半透明的皮膚，身長大約有 2.5cm。當母鼠產下鼠仔後（通常會有 2-10 隻），更加千萬不可騷擾牠，甚至摸牠，否則牠驚慌之下很可能會將所有親生仔女咬死及吞下（不是說笑的），到時就後悔莫及了。不過你仍要經常留意食物和水是否足夠，不足的話便要靜靜地添置。另外，最好每隔幾天加一些牛奶給母鼠喝，以助長牠的乳汁分秘。生下的鼠仔可能會分散而且到處亂爬，顯得很可憐的樣子，但請不要理牠們，否則．．．．．．當母鼠要餵奶時，牠自會叼起牠們，然後放在一起開始餵奶。

　　當鼠仔長到一星期大時，全身會長滿毛，此時應儘量多放一些新鮮水果，讓牠們從水果中吸取更多水份，以免缺水便秘而死。鼠仔長到兩星期大時會開眼，但仍要繼續吃奶，此時終於可以清理籠子了。到三至四星期大時鼠仔才會斷奶，成為真正獨立的倉鼠。

　　好了，現在是時候為這批鼠仔打算一下了，究竟是要自己負起飼養的責任呢？還是要把牠們送給其他人養呢？如要自己養的話，一定要把雌雄鼠分開來養，以免牠們雜交（即是阿哥與阿妹交配，或阿媽與阿仔交配等等）。你必須及早作出決擇，因為鼠仔斷奶後半個月就會成熟而開始雜交，後果是產下一些蠢蠢鈍鈍的子女，哈哈，到時你就頭痛了。

　　總而言之，如果閣下打算買雌雄一對倉鼠生仔的話，務須仔細考慮一下：你有耐心飼養牠們的一批後代嗎？你有「後路」嗎？（即是有沒有送走鼠仔的方法途徑）當然，你可以把過多的鼠仔送給鼠店老闆，我想他/她應該會樂意接受的。

2007-10-07 09:18:17 補充：
生下的鼠仔可能會分散而且到處亂爬，顯得很可憐的樣子，但請不要理牠們，否則．．．．．．當母鼠要餵奶時，牠自會叼起牠們，然後放在一起開始餵奶。