點解好似唔係好夠, 仲欠少少野, 但係唔知個樣係咩

我諗我可能有少少明白你的感受。不過，exactly唔知你係咪咁。
我同我老公感情也是很好的。佢對我好，把我放在第一位，是毋庸置疑的。有時我見到佢酣睡個樣，會愛佢愛到好似透唔到氣，愛佢愛到想吞佢落肚咁，千祈唔好誤會，唔係話想要sex果種，而係個心好無厘頭，有股蠻勁瘋狂咁憐愛佢。 這時我會攬佢攬到實一實。
這股我姑且稱之為”蠻勁”，有時又會轉化為我對佢的要求。點樣講呢？是您明知佢對您已經很好, 但您仍然覺得唔夠的感覺。我想要的，是他也是無條件的，無理由的瘋狂咁憐愛我。唔係話因為同我耐了，了解我多了，知道我體貼溫柔，知道我是真心對他，所以才愛我，可能我想要的，是佢好似最初識我時，根本唔知我的優點缺點，總之佢就是無原因的，無條件的，傻兮兮咁，總之眼裡就沒有其他，只有我的那種。
這股蠻勁湧現時，我都會問自己係咪有病？試想，他事實上已經和我一起這麼久了，怎樣又能要求他當唔識我，傻呆呆咁愛我呢？
樓上唐仁佳君話，”真係唔知諗嘜、男人一生要工作五六十年、好命就話坐寫字樓、唔好命嘅話、又擔又抬、日曬雨淋、好辛苦嫁”。
是的，我諗男人真係唔係咁容易知道女的諗嘜的，因為女的（好似發問者carmen1005同我），有時自己都唔知自己點解會咁樣諗野的。請唐仁佳君明白，現今女士大部份也同男的一樣要工作，工作再工作。然而女的，工作之餘，就是會胡思亂想的。
具體ｄ黎講，可能我覺得唔夠的，是我擔心老公同我一齊，怕慢慢變成只是一種習慣，我仍想他好似初初追我時，不明所以的不時給我一些驚喜吧。有時，我會幻想我今日ＯＴ遲放工，他早過我放工，他會無厘頭過黎接我走，又或可能只是好簡單，想他突然言語上讚下您，諸如此類啦。
我諗carmen1005您話愛佢飲醉酒個一面...好有拍拖個種feel，可能就同我一樣，有時無厘頭，好想感受到番拍拖時果種受寵的感覺吧！
Anyway，呢股蠻勁來時，可能會令我對佢發脾氣。但我冷靜過後，會轉化佢為動力。例如，佢沒有驚喜給你嗎，唔緊要，我自己俾番ｄ驚喜佢，我去讚下佢o羅，突然送佢小禮物o羅。雖然佢仍然是冇乜驚喜給我的人，但我地感情仍然好好的。

2007-10-07 16:05:01 補充：
噢,唔記得講添, 我同老公有個協定, 就是無論點樣, 每日都要有一分鐘, 乜都唔做, 唔睇電視, 唔係係張床度, 兩個人就係咁企係度, 唔講野, 唔錫錫, 剩係大家攬住一分鐘。但你知啦, 邊度有咁神心, 日日都記得攬一分鐘呀! 但呢一分鐘真係好正的。如果鬧過交, 鬥過氣, 老公就會借d 意提我, 今日未攬一分鐘喎. 或者我的蠻勁出現時, 呢一分鐘, 都可以好有效咁洗滌我的心靈，令到我覺得好滿足。你都可以試下丫.

you 或許(連您自己都唔知,唔清楚...)
1, 貪心,貪得無厭,得一想二, 得到人,得到心,還希望得到老公的思想話事權.......
2. 無安全感, 想有權力control 老公, 怕有朝失去他.............
3. 太無聊............
4. 壓力有很多種, 結婚和配偶死亡都可以造成壓力, 您可能一時未適應,所以胡思亂想...始終是人生大事, 難免會思前想後,都正常ge......
5. 果位小朋友說的欠缺溝通....或許跟老公傾下

您有工作嗎? i suggest 婚後仍然要工作, otherwise, 得閒就胡思亂想了, 您容易胡思亂想........... 就咁睇您的表白, 您亦無乜安全感.........

多跟您的閨中密友傾講, 好讓她們開解您la......不忘給自己和老公私人空間, 和別人,尤其老公相處融洽是人生很大的學問....

祝您幸福!

(　女　)字形就像一個女子坐係櫈上、叠埋雙脚、攤開雙手咁、真係冇屎痾、都要放下屁、諗下喱樣諗下果樣、真係唔知諗嘜、男人一生要工作五六十年、好命就話坐寫字樓、唔好命嘅話、又擔又抬、日曬雨淋、好辛苦嫁、體量下喇。

可以分析一下