有什麼黏接劑或膠水膠紙，可以將木板穩定係牆上(可分暫時性、永久性)

你試吓咁得唔得, 先在木板鑽個分半窿先, 再用油壓鑽配二分鑽咀由木板鑽入牆身, 如負重大可鑽深入啲或鑽多幾個窿幫力, 打入二分「長身膠塞」, 最好是木板和牆窿深度, 再配適當長度的鋼牙鑼絲, 套上介指收緊, 應該會好穩固, 又可以拆除, 不過建議你先做一個窿先, 效果滿意才正式施工. 如果要用粗啲鑼絲就要轉用粗身膠塞, 五金鋪有齊備貨式, 唔明可以請教售貨的老哥, 佢一定會樂意幫你的. 還有一個方法, 同之前操作一樣, 不過唔係用鋼牙和膠塞, 而係用「長身拉爆」, 有分直徑二分半 同 三分, 長度有 3 - 4 寸長都有, 木板先鑽上同拉爆直徑的窿, 再配油壓鑽鑽咀鑽入牆身, 個窿 要同拉爆長度一樣深, 清除窿內的沙石, 然後打入拉爆先作第一次收緊, 用鎚再打實拉爆, 再作一次收緊, 包你穩陣, 而又可隨意拆走, 你可試試和採用那一种方法, 希望真的幫到你。 祝: 一切順利！

首先要知的是你的木板的厚度有多少,如屬薄木板即一分至二分厚者可用
萬能膠黏貼於磁磚面,如屬三分以上的厚板則用釘膠較為穏固,雖日後較難
拆下及清除磁磚面的膠,但這也是對磁磚不構成破壞的唯一方法,鑽孔收鏍
絲無疑是最穏固的方法,但會對造磁磚造成永久的破壞,除非你日後會換磁
磚,否則會留下無數的孔在磁磚上.