✔ 最佳答案
1 他見到我不回望佢,他會怎樣想我?
他有可能亦諗住你是因為怕醜, 所以唔敢望佢的. 如果佢覺得你已拒絕佢, 佢都唔會係第二日又企係你面前啦. 佢企係你面前, 又無其他行動, 是因為他都怕會衰嫁嘛, 佢都唔知你點諗嫁嘛. 如果你一直係咁唔敢望番佢, 佢可能都會因為怕羞而打退堂鼓的. 所以:
2我下次見到佢應該怎樣做?
下次, 無論佢係咪主動企係你前面, 係咪企得近你或遠你, 總之你自己要主動企係距離佢有一段少少距離的位置, 又可以大家望到的位置. 你就扮講電話, 或真係講電話啦, 講下講下, 唔覺意的眼神望到佢, if 見到佢亦望住你, 或等到佢亦望住你時, 咁你就可以向佢微笑. 這個微笑, 可以是電他的, 亦可以是你講緊電話, 同對方講緊野而笑的, 咁就可以大大減低你的尷尬或好似周圍電人的嫌疑啦.
幸福, 是要自己爭取的. 你再太過怕羞, 就甚麼事也不成的了. 加油啦! 希望我的建議, 可以減輕到你的怕醜及壓力啦.
你知嗎, 大家只係係地鐵, 日日見到面, 佢又唔知你叫乜名, 又唔知你做乜, 根本完全唔識你. 要主動引起你的注意, 主動同你打開到話題. 那個男仔都受到好大壓力, 都會好唔知點的, 都會好忐忑不安的. 你要俾多少少信心佢, 等佢知道你都留意到佢, 有注意到他的存在, 對他都有少少好感. 他才可以鼓起勇氣, 再行近你一步, 再想盡方法同你展開話題的.
為左令佢唔好咁難受, 為左你自己, 你都要俾多d勇氣自己, 同俾多d 勇氣佢呀. 加油啦! 有好消息的話, 記得都話我地聽喎.