speed dating會唔會好悶？有無邊間好？

Speed Dating會唔會好悶，好睇人架喎！

我覺得好玩，因為每次都識到好多人；但我有朋友覺得唔好玩，可能佢地唔鍾意呢種識人方式啦，或者表現唔到自己，唔係好識到人。

Speed Dating另一個令人覺得悶既原因，係因為要喺兩三個鐘裏面識十幾廿個人。變咗你會不斷重複咁自我介紹同埋聽人地自我介紹，去到最後會幾攰。
好處係一次過識到咁多人，之後慢慢再約出嚟，咁變咗會有好多街去。去一次speed dating比起我參加興趣班或者去pub識人快好多倍。

還有一點要提醒你，如果你真係想約人出嚟就一定要快。因為去完speed dating大家都會識到好多人，如果你遲遲未出手，人地都唔記得你係乜水，咁又點會同你出街呢！

至於邊間好，好似無一間叫做hkspeeddating架喎？係咪指hkspeeddate呀？
舊既可試下Coffee Matching，個主持幾nice。
仙履情緣都試過，都ok可以一試，適合年紀較大。
Hkmatchup，214，hkspeeddate都試過，普普通通。
新既我試過touching match，勝在有心，啲負責人全部社工系畢業。
Up To Date，呢間好特別，佢啲嘢做得靚，有本書仔幫人記得識咗邊個同埋留低既印象，我玩咁耐Speed Dating第一次見，幾有心思。中間有遊戲同埋topic chat，感覺上無咁悶。

你可以自己上網睇下先，以下呢幾間較好：
www.coffeematching.com
www.uptodate.com.hk
www.touchingmatch.com.hk
www.cinder.com.hk

我的經驗：

常在心Beingmyheart.com 安排周到，會員質素好，有專業人士Join. 主持人較正經。

Coffee match: 人較雜，安排不錯，食物質素及Dating環境麻麻。

Hkromancedating: 較貴，但質素令人失望。

大家千祁唔好去coffee matching。佢地嘅參加者0黎0黎去去都係果班人，而且年紀偏大。有個阿姐同我講，佢去過呢間公司好多次，每次都有一半以上嘅參加者係翻炒。而且呢間公司嘅參加者無質素保證。有個40幾歲阿叔，得中五程度，0係政府做低級職位，但就個個禮拜都去"Speed Dating Coffee Break for Degree Holders"。老細Ada見佢係熟客，唔單止無阻止佢去，反而仲收佢平d。有女士向Ada投訴有人虛報學歷，但Ada都無理會，非常不負責任。而且有唔少女參加者態度囂張，當正自己係港姐咁，令人反感。

不单但怪,而且很尴尬,因为在那几分钟的过程真的不会知道太多,就是您觉得他/她很合眼缘,但有可能他/她又看不上您.