有關整蛋糕...

我想問你之前整嘅凍餅有冇整埋餅底呀? 因為整凍餅 (即係唔駛焗, 放入雪櫃雪果d) 通常會整餅底托底嘅, 如果有嘅話, 餅底一定唔會一岩一蠶架喎....但係如果冇整, 你可以試吓我以下嘅方法吖, ok架....會好似街買果d蛋糕咁靘架....^o^

(1) 活動餅模(即可除底嘅餅模)底部先放入牛油紙.
(2) 將麥維他消化餅壓碎至粉狀, 加入無鹽牛油溶液混合. (假設你係整6吋蛋糕, 就用100克消化餅碎, 50克無鹽牛油溶液)
(3) 將(2)倒入餅模後舖平, 輕力壓實 (緊記要輕力, 如果用力過度, 餅雪好後, 餅底會好似石頭咁, 好難切開架....).
(4) 放入雪櫃待用.
(5) 準備你要整嘅蛋糕料......完成後, 取出餅模, 將蛋糕料倒入, 再放回雪櫃至完成.
(6) 脫模前, 你可以先將一條熱毛巾圍住餅模約30秒後攞開 (記住唔可以太耐, 否則蛋糕會溶).
(7) 將蛋糕慢慢脫模即成.

** 如果你唔想用熱毛巾, 你可以預先放入膠圍邊(蛋糕材料舖有得賣)在餅模邊, 然後再放入底部嘅牛油紙, 都可以好方便脫模.

** 錫紙係唔會令餅邊平滑架!!

你試吓呢個方法吖, 因我一向都係咁做, 次次都好成功架~~~~希望幫到你啦! ^.^

用鍚紙鋪住個蛋糕模...

如果你唔想蛋糕唔黐住個蛋糕模,可以用牛迪或者用鍚紙鋪住個蛋糕模


兩樣都得

你唔好用牛油紙啊.....