鋪地磚--不起原有石屎，再加幾厚英泥沙﹖

咁大工程呀自己鋪地磚，本來鋪地磚應該搵泥水師傅做，因為當中有好多手藝及竅門唔知，就會搞到塊地一岩一忽又水氹又山仔，而且500呎地方都係大約$4000~5000人工(唔包地磚)，無謂自己捉虫。。。。。
不過，既然咁有興趣DIY，就分享下我所見班師傅點做法:-
1, 清走傢俬，落地衣櫃，地腳木線及地板等等，用LASER平水儀打一次平水，睇下邊個位最高，同門腳(特別係大門)有幾多空間，如果少於一吋半嘅地方就要打低Ｄ石屎。
2, 於大門位訂出將來地磚面高度，應該與大門門腳有分半至二分(3/16"~1/4")空間，或做平門外走廊為準。一般做法大約要鋪4~6分 (1/2"~3/4")英泥沙地磚致足夠穩固，而地磚大約2分厚，所以最好大門對石屎地面有一吋半就足夠。

2007-10-08 10:10:35 補充：
知識＋平台主要用作知識交流以及提供參考資訊之媒體，根據服務指引第2.3條-- 廣告或傳銷的內容......例如︰任何無關問答本身的廣告資訊，或刻意在個人知識檔案作商業性質的宣傳推廣。 以上回覆(一般工程公司行頭價)...只用作參考用途，敬請留意。。。