[20點] 12月會到英、法旅遊，打算在巴黎留五天，行程該如何編排？

先推介一個 5 天行程給你, 主要景點以 (*) 代表:
12 月 18 日: 聖母院* Le Cathedrale de Notre Dame -- 花烏市場 Marché aux fleurs et oiseaux-- 聖神教堂 Le Sainte Chapelle-- 市政廳 Hotel de Ville -- 瑪凱區 Le Marais -- 孚日廣場 Place des Vogues -- 雷阿勒 Les Halles

聖母院同聖神教堂相信你係坊間既旅遊書有講了. 花鳥市場係位於地鐵 Cité站的 (聖母院同聖神教堂都係), 一出地鐵行幾步望左就見到, 係一個專賣植物及雀鳥既市場, 其實唔多野睇, 只係順路睇睇而已. (地鐵 4 線 Cité)
市政廳係河既另一面, 聖母院出發行 3 - 5分鐘就到, 係一座法國式既建築, 都幾靚的 (地鐵 1 線 Hotel de Ville)
瑪凱區係以前巴黎既中心 , 係一個舊區, 街道比較短同窄, 地方比較舊, 但係是巴黎既另一風味, 可以係市政廳行過去, (地鐵 1 線 St. Paul 站附近)
孚日廣場位於瑪凱區之內. 這裡是欣賞法國式大宅和庭園的好地方. 這裡也是巴黎以往的豪宅區. 住在這裡的不是貴族, 便是名流
雷阿勒以前係一個菜市場, 有 "Ventre de Paris", 巴黎之肚之稱, 現在係一個新型既 shopping 區, 同食飯既好地方 (地鐵 4 線 Les Halles)
12 月 19 日: 舊皇宮 Le Palais Royale -- 羅浮宮* Le Louvre-- 杜勒麗花園 Jardin des Tuileries -- 凡登廣場 Place Vendome -- 協和廣場 Place de la Concorde -- 馬德蓮娜教堂 Madelaine -- 巴黎歌劇院 Opéra Garnier

舊皇宮位於羅浮宮旁邊, 現在部份係政府辦公室, 所以唔開放的. 但內部既中庭地方真係好靚的' (地鐵 1 線 Palais Royal Museé du Louvre)
羅浮宮唔講了... (地鐵 1 線 Palais Royal Museé du Louvre)
杜勒麗花園以前係一座宮殿, 但係 1871 年燒左. 依間係一個大花園, 十分岩行完羅浮宮後出黎坐一坐既地方 (地鐵 1 線 Tuileries)
凡登廣場最特別係中間一支銅柱, 係拿破崙用敵方既 3000 支大砲造成的... (地鐵 1 線 Tuileries)
協和廣場以前就係斷頭台放置既地方, 而家就法國既地標之一了 (地鐵 1 線 Concorde)
馬德蓮娜教堂是一座希臘神殿式的教堂, 外型特別 (地鐵 8, 12, 14 線 Madaleine)
巴黎歌劇院係 1860 年代既產品, 外型壯觀, 內部亦十分華麗的 (地鐵 7, 8 線 Opéra)
如果對馬德蓮娜教堂及巴黎歌劇院不感興趣, 可直接到後面既春天 / 老佛爺百貨行街 (地鐵 7, 9 線 Chaussee d'Antin la Fayette)
12 月 20 日: 凡爾賽宮* Le Chateau de Versailles -- 巴黎鐵塔* La Tour Eiffel

相信兩地都唔需要多介紹了
凡爾賽宮 (RER C5 線總站 Versailles Rive Gauche, 出左站後 5 分鐘就到)
巴黎鐵塔 (地鐵 6 線 Trocadero / Bir Hakeim), 如直接係凡爾賽宮去, 可搭 RER C 線, 係 Champs de Mars Tour Eiffel 落車).
如果你唔怕悶, 鐵塔冬天會收 11 點, 提前和鐵塔一起過生日好嗎 ??
12 月 21 日: 迪士尼樂園 Eurodisneyland-- 紅磨坊 Moulin Rouge

迪士尼樂園不用介紹吧. 但冬天會於下午 5 時左右關門. 那麼晚上還可安排節目
紅磨坊, 巴黎的地標之一... 巴黎的夜生活太出名了... 點都要影下相的... (地鐵 2 線 Pigalle) 既然是生日, 豪一點, 睇場 show, 食餐飯吧 !!
12 月 22 日: 塞納河岸* Les Quais de Seine -- 香榭麗謝大道* Avenues des Champs Elyseés-- 凱旋門* L'Arc de Triomphe (前一晚玩得夜, 因此行程少一點, 可以訓多一陣)

塞納河岸可欣賞塞納河的景色, 沿河而行十分寫意, 亦可見到獨特既書檔, 及金光閃閃的亞歷山大三世橋 (地鐵 4 線 Cité, 再按地圖, 在左岸 (下方) 慢慢行向西邊進發就是)
香榭麗謝大道, 不用多講. 法國最出名既街道... (地鐵 1 線 Champs Elysees Clemanceau)
凱旋門唔需要多介紹了 (地鐵 1 線 Charles de Gaulles Etolies)
12 月 23 日: 蒙馬特* Montmartre -- 聖心堂* Le Sacre Coeur

蒙馬特是藝術家和貧民的集中地. 話說第 1 任巴黎主教便是在這裡殉道的...
聖心堂是一座白色的大教堂, 位於巴黎最高的山丘上 (地鐵 2 線 Anvers)
Place Tertre 可以找到不同的食肆, 亦找到不同的藝術家表演
最後回火車北站 (Gare du Nord) 乘 Eurostar 回倫敦吧
以上行程不太緊迫, 也算比較輕鬆, 沒有太多的博物館, 主要也可以步行遊覽, 十分寫意的. 美中不足可能天氣有點冷...
你絕不需要為攝影地方而憂心, 巴黎四處也是美的建築, 隨口一講也可給你 10 多個拍照點:

從香榭麗謝大道中間拍攝日落的凱旋門
從夏悠宮 Palais de Challot 拍攝任何時間的鐵塔
從戰神花園 Champs de Mars 拍攝任何時間的鐵塔
塞納河旁的小書攤
木製的藝術橋 Pont des Arts
氣勢十足的市政廳和冬天時市政廳前的公眾蹓冰場
塞納河畔拍攝聖母院
塞納河上拍攝阿歷山大橋
蒙馬特的日落
晚上的紅磨坊
羅浮宮的正面連金字塔 (晚上更美)
杜勒麗花園中水池上的放小船閒情
巴黎就算是一條小街, 也充滿著藝術氣息. 建築物上的雕刻也十分值得留意. 只有提醒你男友, 記住帶腳架 !!! 否則美麗的黃昏和夜景就沒法留下
里昂 Lyon 是法國第 2 大城市. 從巴黎出發只需 2 小時便到. 但里昂本身是一個商業城市, 旅遊點不多, 如果你只得 5 天時間, 就不用浪費時間前往里昂了. 省下車費食餐好一點的吧 !!