行使價??

為了令答案自然, 我不順序解答你的問題, 見諒
無論任何情況, 都可以等輪商回收派錢,
但當然如果你認為行使無望, 沽出為上上之策.
如果到了行使日, 匯豐180元, 咁你每股可以收番2.8元
這自然成為你的第一個目標價
其實如果正股上升, 大致上都應該繼續持有, 直至到期日
因為只要正股上升, 尤其是由現價151左右升到180元, 一定足夠抵消時間值
我相信你擔心滙豐急升後高位徘徊, 咁就會睇住輪價在高位跌番落黎唔好受
我建議的方法是, 你的目標是2.8元,
那麼就只要在到期前任何時候觸及2.8元就沽, 咁樣就不用怕升得高又跌番落黎
如果掂唔到2.8元, 就當時等到到期日正股180元等輪商派2.8元俾你la
你可以考慮一下我的建議
希望我提供的資料可以幫到你
珍惜好問題和回答者心血, 不宜放棄或棄置問題, 令網友們從中切磋研究. 感激!!
歡迎討論指教
http://www.editgrid.com/user/thomaswu0530/all-in-one
www.thomaswu0530.blogspot.com


2007-10-13 16:32:12 補充：
本人先copy樓下網友blog中意見讓網友討論砌磋:括號外是本人的作答原文無論任何情況, 都可以等輪商回收派錢, 但當然如果你認為行使無望, 沽出為上上之策.如果到了行使日, 匯豐180元, 咁你每股可以收番2.8元這自然成為你的第一個目標價（？？什麼叫第一目標價？現在才0.6，2.8是4.67倍，雖說是窩輪，但將目標價設定在4倍以上，是否貪心了一點？又想問有沒有第二或第三目標價？）其實如果正股上升, 大致上都應該繼續持有, 直至到期日（？？明顯答者不知道窩輪是什麼）

2007-10-13 16:32:56 補充：
因為只要正股上升, 尤其是由現價151左右升到180元, 一定足夠抵消時間值（"如果"呀麻．．．有沒有考慮市況波動？時間值的損耗可以極大，而且越接近到期日，交投便越見疏落，如果市況轉向，隨時可以將之前升幅一筆鈎銷）我相信你擔心滙豐急升後高位徘徊, 咁就會睇住輪價在高位跌番落黎唔好受我建議的方法是, 你的目標是2.8元, 那麼就只要在到期前任何時候觸及2.8元就沽, 咁樣就不用怕升得高又跌番落黎

2007-10-13 16:34:55 補充：
如果掂唔到2.8元, 就當時等到到期日正股180元等輪商派2.8元俾你la（？？掂唔到2.8，唔係證明左之前希望匯控去到180有點不切實際嗎？？不承認錯誤去檢討現策略，反而期望不切實際的目標可以達到，這是什麼建議？？）你可以考慮一下我的建議希望我提供的資料可以幫到你 珍惜好問題和回答者心血, 不宜放棄或棄置問題, 令網友們從中切磋研究. 感激!! (上文為其blog內節錄, 全文可到http://hk.myblog.yahoo.com/citizen-ant/article?mid=21&prev=-1&next=18)

2007-10-13 16:36:03 補充：
以下為本人在其blog內的留言全文:你好, 本人正是你所指的"樓上答案" 答題者, 很高興不但能夠在yahoo! 知識+ 中 從回答中幫到別人亦能夠和一些作答問題的高手分享對一些問題的睇法, 我正是抱住砌磋的心態來參觀你的BLOG 並對你的提問和建議作出回應或者讓我們由共同的立場開始討論, 就是發問者的發問前提:有機會係最後交易日之前可去到180蚊以上由於發問者並沒有對匯控未來表現向網友作出發問. 本人選擇對其預測不予置評, 並以前提及我的知識作建議

2007-10-13 16:36:44 補充：
而你的處理手法是在最尾一段表明自己對滙控升上180蚊這前提有保留可見我們都是不完全贊同發問者的發問前提在最後交易日之前到180元的大前提下, 本人相信發問者打算持有一個月或以上的時間來分享到滙控升值的回報.而你則維持以短線買賣窩輪的角度分析解答, 可謂從不同角度看待.好了, 讓我先行對你的針對性提問作出補充

2007-10-13 16:37:09 補充：
在第一組提問中, 本人認為主要出於文字上的理解誤會我所指出的第一個目標價是"在這階段為自己定下第一個的期望回報"此點和"第一目標價"略有出入. 第一第二第三目標價是一組遞增數值作針對性的買賣策略但我個人的意思是第一個的期望回報, 在市況及發問者個人對滙控價格預期改變下,可以出第二個第三個目標價, 這組數值並不一定是一組遞增數值如果在最後交易日之前到180元的大前提下, 我反覆思量後, 我會維持第一個目標價為2.8元如果你覺得有保留, 只是因為出自於你對大前提有所保留

2007-10-13 16:37:39 補充：
第二組問題是針對本人, 判評本人的窩輪知識水平此點留待網友公論第三組問題總括是對本人建議窩輪持中長線的手法作出提問首先本人深信市況牛皮, 而不是市況波動, 才是對時間值影響最大不知你對這點是否認同呢?而本人作答時有說"我相信你擔心滙豐急升後高位徘徊, 咁就會睇住輪價在高位跌番落黎唔好受", 已提出了相關風險需要留意

2007-10-13 16:38:20 補充：
而你的假設性提問:"如果市況轉向，隨時可以將之前升幅一筆鈎銷"略為以偏蓋全, 因為任何時候, 無論你是在任何投資市場或債券市場,加上市況轉向的前提下, 本人必須承認投資者將面臨之前升幅一筆鈎銷的風險本人是認同此提問, 但不損害本人作答的完整性及合理性第四組提問中, 本人認為主要出於對發問者的大前提處理手法本人尊重發問者的預測, 而你質疑升到180元的合理性亦有理據這只是出發點不同得出不一樣的結論, 互無排斥

2007-10-13 16:39:03 補充：
其實時間值並不是窩輪不公平的地方, 你迴避了時間值下降的風險, 同時迴避了大市潛在的回報簡單來說, 一隻股票你預期一日有3%的上落幅度, 不代表你預期100日有300%的上落幅度在金融數學上, n 日的上落幅度和 root (n) 成正比餘下的時間越少, 預期平均每日上落幅度越大

2007-10-13 16:43:39 補充：
最後本人深信, 投資不像數學公式我你見解可同時成立希望我們繼續以不同的投資理念為各網友解答疑問

我首先不說匯控十二月頭去到$180呢個期望是否合理．我個人認為任何輪既利潤去到一倍或以上應該立刻沽出以鎖定利潤．一來當利潤去到一倍以上，你隻輪應該已經係價內輪，價內輪槓桿有限；二來買輪從來應該只爭朝夕，唔可以揸得太耐；而且新輪會殺舊輪，舊輪既時間值會蝕得好快，萬一個市唔就就會跌得好甘．
我既建議係：如果下星期匯控持續強勢，而你隻輪去到0.8左右；就應該立刻沽出，並於同一時間買入一隻貼價輪（最好係輕微價外）以保持優勢．買輪必須要經常換馬；一來價外輪槓桿比較大，二來可以鎖定利潤以減輕風險．而家ｄ輪出得咁濫，你一定可以搵到一隻比而家條件更好既輪；而且新輪既交投比較暢旺，莊家亦都比較願意出價．
至於你話匯控十二月頭去到$180，我持相當保留既態度．匯控不嬲唔係熱炒股，大部份持貨者都係基金，而且貨源相對上比較分散，炒作既成本太大；要係兩個月內升20%，我記憶中真係無乜幾次．

2007-10-08 12:13:41 補充：
大家如想看多一點我對樓上答案既睇法，可以參考：http://hk.myblog.yahoo.com/citizen-ant/article?mid=21&prev=-1&next=18

2007-10-13 22:28:42 補充：
我諗你應該未買過窩輪. 其實你睇番9931星期五個收市價, 就已經無乜野好拗.一) 無論你點樣形容2.80呢個所謂目標價, 呢個價根本唔係一個合理目標價. 一來窩輪要扣時間值(你成日話我無考慮時間值, 其實係你無), 二來要扣溢價. 所以就算匯控十二月頭去到接近180, 隻輪都無可能到2.80. 所以一切以呢個價錢作既假設都係不切實際.二) 我已經再三講明: 如果匯控走勢無可能去到180, 你既建議係乜呀?? 死揸希望佢到度180? 呢d係乜野建議?? 唔檢討現策略去改變投資決定, 反而希望不切實際既目標能夠達到?? 呢d並唔係理性投資者既行為.

2007-10-13 22:29:10 補充：
三) 既然一切既推論係依據"匯控十二月頭去到180"呢個假設作出, 我地答呢個問題時, 又點可以唔去評估最初既假設是否有問題?? 唔通有個人假設地球係平作出推論地球有盡頭, 你唔會去攻擊個假設有問題?四) 至於你話乜野"窩輪中長線"... 唉, 我已經無興趣繼續解釋; 我諗你真係未買過窩輪. 買多兩次睇下你仲會唔會講中長線講得咁大聲