裝修完3個月,牆身有裂紋

通常有3個可能, 第1是一般新做的牆都會有這情況, 因新做的未完全穩定, 出現"收水"現像, 是很常見的現象之一. 第2是灰底未完全乾透就再做新的一層灰就會有這情況出現. 第3是油漆師父功力未夠, 所產生的問題, 如光油及灰料份量問題等等. 不過你啱啱裝修完3個月, 當然是叫裝修師父跟進啦, 他們多數會免費幫你維修翻好, 無良裝修除外!
工序如下 :
1. 先將裂縫擴大 (目的是將周邊鬆散的灰剷除)
2. 油光油 (目的是將灰底拿實)

3. 批灰 (目的是將牆壁的裂縫填平)

4. 打磨平滑及淸理乾淨 (目的是將多餘的灰磨走及使牆壁平直)

5. 油上面油便可 (目的是美化及裝飾之用)

菜膠+福粉比例如下 :
菜膠35%,福粉55%,石膏粉5%,光油或白膠漿5%.

程序 :
1.先將菜膠加入光油或白膠漿攪合
2.加入8成福粉攪合
3.再加入2成福粉及石膏粉攪好後才加進一起攪合

注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
以上資料希望可以幫到你, 如再有問題或不明白請補充!

上述過程是油漆出現最大問題,想知問題所在是防潮光油程序同份量出現不協調,現在所有做油漆工序cf 好歡喜用白膠漿來打灰,作批牆身灰..材料,在流程中批出來灰很大效果,是美觀..同好做,但......牆身做得幾咁光滑都沒用,事關白膠漿開灰牆身不能防水/防潮,當油乳膠時會軟化牆身灰同時等到油好所有牆身後,裂紋就會出現(行頭所講..收水現象),假如判頭cf講:收水現象(叫他返屋收皮啦!),本身白膠漿係沒問題,用(白膠漿)者..就有好大問題,所做牆壁會好光滑同硬化牆身,不過(沒o左韌力)當一濕一光時烈紋就出現,有常識cf會用防潮光油來開灰做底/面工序,講到這裡.....不關(收水現象)是材料運用程序同識當份量!
你o既煩惱是我的回應......

你首先要攪清楚啲裂痕嘅來源, 未查清楚之前唔可以話裝修方面有問題.
要睇睇啲裂痕係油漆表面定係由內面裂出嚟, 如果係啲油漆表面裂咗, 好明顯係油漆問題, 但係如果裂痕係由內牆裂出嚟, 咁就同油漆無關.
>佢話是正常收水現象
廢話! 乳膠漆唔會預到有收水就會裂開, 如果係嘅話啲油漆搵鬼買, 除非你個裝修佬私下加水令到油漆本身水份大高而唔合規格, 油完之後收水令油漆破裂, 呢種情況完全係油漆佬嘅責任. 你唔好話我聽人地千萬圓豪宅油完漆之後裂開哂都話正常.

如果有髮絲狀裂紋於大平面上或木板駁口處，依個就係正常收水現象，有責任嘅工程公司會於你收貨完工後大約兩星期至一個月，會翻手執補一次，咁Ｄ油漆就會好耐用......但如果出現於牆角曲尺位窗台門隙位等，好多時係底灰批盪未乾透就打第二層或做面油，牆角曲尺位Ｄ灰一般比較厚(手工問題)，如果唔夠時間乾透，得到面油做好風乾後，底層批盪至開始乾就會扯裂面油，大條大條裂紋就會出現。。。