芝娃娃問題ｔｈｚ

要養一隻芝娃娃其實唔會好麻煩，因為佢體型較細小，活動量唔會好大，
如果無時間帶佢去散步，就可以係屋企同佢玩下D拋波既遊戲，
當然要有足夠既時間去照顧佢同埋每日都要同佢做下運動，
咁隻狗仔先會健健康康嘛。

一隻芝娃娃既價錢可以好參差，普通寵物店買既可能2000~4000蚊都有，
如果係澳洲入口既差唔多要一萬蚊，而有証書純種既可能會去到萬幾蚊都有，
其實價錢都唔係最重要既問題，我覺得一隻狗仔如果係合眼緣既話，
就算係混種既你都一樣咁鍾意。

如果去寵物店買就要小心D，因為太多黑店，買之前先留意多幾間，
如果睇中左一隻合心水既，就上網SERACH下個間寵物店，
睇下係唔係黑店，或者口碑方面好唔好，另外可以多觀察狗狗幾天，
才決定買唔買，睇下佢平時精唔精神，有冇痾爛屎，或者流鼻水咳之類，
到決定買既時候，就要抱上手睇下佢眼會唔會有太多分泌物，
耳仔會唔會有臭味，另外要撥開D毛睇下佢會唔會有皮膚病，有無脫毛，
檢查下狗仔既牙齒健唔健康，牙肉係咪粉紅色等等…

買左狗狗之後，初時最好就係用圍欄圍起佢既活動範圍，
而我就初初就係廁所與廳之間加圍欄，因為我隻狗狗係用尿布加廁板既，
佢宜家見到尿布就好自然識得去廁所。

圍欄價錢：250~700
廁板：60~200
尿布：100~200 (100片每日換一片)
水樽：30~50
飯碗：10~50
杜蟲藥：30一粒(每個月食一次)
防蚤水：170~210(一合3支滴頸用，每個月一支)
心絲蟲藥：around 150 (5個月後開始食，每個月一粒)
狗糧每隻牌子都唔同，又有分大小包裝，大包既大概都係百幾蚊一包。
最好買d玩具俾佢玩啦，就算返工返學無人係屋企既時間，
狗狗都唔會咁悶嘛。

第一年要打3支預防針，之後就每年一支，百幾蚊一支
買狗既時候通常都幫你打左第一支針，同埋植左晶片，
所以第一年只需要幫佢打2之預防針就可以。

到5個月大既時候，就帶佢去漁農處度打預防瘋狗症針，
同埋將狗牌既資料改返做現主人既資料。$80
除左去漁農處打針同埋改資料，仲可以去診所度做都可以
不過就貴好多。$200~300

絕育問題，如果唔打算配種既話，就最好幫狗仔做絕育手術，
以免大個之後會比較容易患上性器官方面既毛病，
而且絕肯後狗仔既性格會比較穩定，唔會出現咁多霸地盤既問題。

呢D都係平時既生活開支，仲未計狗狗如果病左既醫生費，
平時既美容費之類。

養狗仔同養人仔都一樣，要花好多時間同埋心血去照顧佢地，
所以買之前真係要諗清諗錯，介其唔好貪得意就買佢返黎玩，
買左返黎就要好好咁愛錫佢地，用心咁照顧佢。

以上純為個人經驗

圖片參考：http://hk.yimg.com/i/icon/16/66.gif
1) bb打晒3支針要幾多錢?如果唔打會點咖?
首先解釋寵物店D狗為何會有病，有D又會信譽好無病冇痛呢？
狗瘟既形成，乃係一D冇標準既所謂繁殖場，衛生環境設備差，而佢地既生仔機器《狗》，食、住、拉同在狗籠內，穢亂環境令病菌容易產生，成犬能有抗體可低檔病毒感染，而狗瘟腸炎病毒亦由此而產生。
種犬須多產而提供之營養又不足，導至管養不良，經過不段地生育，數年後母犬便因體弱不能再生育，什至令身體變形或死亡。
由於母犬體弱，未能提供足夠抗體于幼犬至令幼犬容易感染病毒，潛伏於體內司机攻襲，一旦離開母乳抗體，病毒便隨之訊速蔓延令幼犬死亡。
而一般住家繁犆，由於數量小，飼主亦能適心飼養，衛生及營養均有增冇減，令病毒難以生存，而母犬營養優良，則抗病能力佳，所出下一代必然健康良好，什至冇打針亦唔會感染到病毒，可在一D鄉村村屋便可得見。
幼犬45天基本照顧保護期過後，由於離開母體得唔到抗體保護，而自身抵抗能力亦仍未足以應付病毒入侵，所以必須假設其有染病可能，在45天時注射第一次疫苗，每月一次注射，共3次，作用為幼犬在此期間，其免疫系統未能充份起到作用，便以打針形式幫助抗病能力，幼犬在此期間通過食物與運動，加快免疫系統成熟而運作，幼犬在3、4月時，經過健康飲食便能度過危險期。
在一隻健康犬隻裡，由於抵抗力強，一般狗瘟病毒難以做成威脅或生存，反之體弱者接觸到時便有可能被感染啦。
而一D好既繁犆場及寵物店皆明白到以上問題，而佢地用作繁犆之犬種亦非一般收購回來平庸之輩，所以在保健育種及衛生環境均儘量做到最好，以防傳染疾病產生。
一般私家診所收費约250左右，如下面政府狗房於你住處相近嘅，收費則只係每次数拾元便可。
政府狗房
域多利道政府狗房 香港域多利道六八八號 TEL 25518586
宋皇台政府狗房
宋皇台道一零二號 TEL 23624147
石湖墟政府狗房 沙田車公廟路九十八號 TEL 26912191
香港愛護動物協會 上水馬會道 TEL 26702201
大嶼山動物診所 大嶼山梅窩鄉事會路83-85號地下D座 TEL 29849533
狗房資料
保護遺棄動物協會有限公司 元朗公庵(窄路)白沙村第一段 TEL 24744421
香港愛護動物協會總部 灣仔運城街5號 TEL 28020501
香港愛護動物協會九龍中心 何文田公主道105號 TEL 27139104
香港愛護動物協會西貢中心 西貢沙咀街7號 TEL 27921535
香港愛護動物協會長洲中心 長洲東灣 TEL 29814176

圖片參考：http://hk.yimg.com/i/icon/16/13.gif
2)日日放佢通屋走..可唔可以1個星期放1次狗?
以芝娃華計，由於體績细小，一般在家走動，以足夠運動量，唔上街問題亦唔係太大，但有時間的話最好都係帶佢到有草地嘅地方，比佢走動玩吓，你會見到佢個開心樣而另你亦會樂在其中的。

圖片參考：http://hk.yimg.com/i/icon/16/36.gif
3)如果剩係買狗床唔買狗龐係咪唔得咖?
但係狗龐搞到屋企感覺好混亂..
如果要買..俾芝娃娃的狗龐要幾錢?
呢個問題好簡單，狗休息嘅地方，大多数都喜歡幽暗而自成一國嘅地方，只需到一D如日本城、實惠店買個膠箱，無須太大個，內放毛巾佢就會好開心咁跑進去，佢會知道呢個係佢嘅竇，趕都唔走架。

圖片參考：http://hk.yimg.com/i/icon/16/60.gif
4)芝娃娃係咪好嘈?(除了有客人到來)
以狗隻而言，越係细小品種越中意吠叫，呢D亦係顯生自我保護才能之一，耳朵接收能力亦係超靈敏，些微声量即能分辨喜惡而發出警告或通知，而吠叫亦係以先声夺人，或通知主人尋求保護。
而另一保護能力，在外形及相貌上，長相特Q有楚楚可憐之感，令人愛不釋手而不忍傷害，呢D都係细種狗自我保護嘅意識型態。
而吠叫声只需從小時開始控制，預有吠叫即大声喝駡，必須讓其明白對與錯。
而芝娃華亦非太喜吠嘅品種，唔難教嘅！

圖片參考：http://hk.yimg.com/i/icon/16/31.gif
5)芝娃娃最大既SIZE係幾多?
標準`應在4、5磅左右。

圖片參考：http://hk.yimg.com/i/icon/16/71.gif
6)1般1胎會有幾多隻BB?
细小品種一般都在一到3隻左右，以一至兩隻為大多數，由於產量小，好多時狗販會以一D較大形嘅狗種雜配，目的只為能生產出更多隻数而獲利，而無經驗者從幼犬時期係難以分辨到的，所以在街上會見到好多超出標準形態嘅狗種出現。

圖片參考：http://hk.yimg.com/i/icon/16/24.gif
7)會唔會俾小朋友蝦佢?佢識唔識自衛?
(因為有時會有表弟來我家)
小朋友一定唔會虾佢，但動作可能會把佢嚇怕，呢D就要靠你尼保護啦！

1,你要有足夠時間陪伴佢,如果你要讀書, 家人會否分擔呢??

2.買芝娃娃,2000-5000蚊不等. 狗糧百幾二百蚊一包(一個月), 小時候要打3針, 瘋狗針,每年要打防疫針, 每三年要打瘋狗症針,每月要食心絲蟲藥, 杜蟲藥, 唔打算生仔要帶佢絕育,以免佢老既時候會有性器官方面既病. 一定要拎狗牌. 仲未計佢可能會生病睇醫生, 要400蚊以上睇一次.

3.買既時候,你睇佢活唔活潑, 鼻,眼有無異物流出,CHECK佢身上皮膚有無問題.

你要先查清楚自己住既地方可唔可養狗.

請三思才決定養狗.因為佢既生命會有十幾年..係十幾年責任!!