resistance and tempature

其實唔係咩野都當溫度上升電阻都會上升既，只係金屬係咁，而半導體就係相反，溫度上升電阻降低。
答返你個問題，當金屬溫度上升既時候，入面的原子會震得勁D，因為能量多左。所以當電子要通過原子與原子中間的空隙時，受到既阻力都會大左，因為碰撞的機會大左，所以電力較難通過，所以電阻就會變大。
而你問題的後半指出溫度上升電子會行得快左，呢個都係岩既，不過係指緊電子係平時的隨機運動(random motion)時既速度增加。電當電子係通電情況下會被電池所產生的電場影響，向電池的正極以一定速度前進，稱為漂移速度(drift velocity)。漂移速度是不受溫度影響，公式為v=I/nAQ，I係電流，n係導體中導電物質的數量(金屬中為電子)，A是導體的切面面積，Q是導電物質的電荷。所以溫度上升會令電子係導體中較難通過，所以導體的電阻就會上升。

係我學習過程中，幾乎所有金屬導體（炭精除外）電阻值都係熱升冷降既，炭精就熱降冷升，就如任何物體流體都係熱漲冷縮，清水除外，熱縮冷漲，以前我有一粒真空二極管裏面都係有一塊炭精既。