唇厚的人吹長笛會不會很困難?懂吹牧童笛是不是有基礎??(10點)!

唇厚與簿同吹長笛關係唔太大，吹長笛最重要係睇咀型，你可以用以下o既方法照住塊鏡試下就知自己適唔適合吹長笛。首先你要打橫拉長個咀，就好似笑緊咁，然後用咀最中間o既地方吹氣，如果你吹氣o既時候可以做到一個又細又圓o既咀型，咁就即係代表你適合吹長笛。不過如果做唔到又細又圓，咁又唔代表唔可以吹長笛，因為咀型都可以練返黎o既。
識吹牧童笛再吹長笛，係指法方面都叫做有少少基礎，因為長笛一o的低音部分o既指法同牧童笛都好相似，但係長笛o既音域比牧童笛廣，指法o既複雜程度就當然比牧童笛高。至於吹奏o既方法，牧童笛就容易得多，基本上吹牧童笛冇咩特別技巧，但係吹長笛就難好多，我第一次學長笛o既時候，學左成堂都吹唔響支笛。
如果要學好長笛，聲音要吹得好聽，我諗一般人都要花幾年時間，不過我都見過有人o既咀型好適合吹長笛，學左幾個月已經可以吹到好靚o既聲音。如果你真係對長笛有興趣，不妨請教一o的識吹長笛o既朋友幫你測試一下。

2007-10-07 11:27:57 補充：
我諗下面o個位有o的誤會喇，我一開始已經講唇厚與簿同吹長笛關係『唔太大』，我只係講咀型同吹笛有關。我諗你最初學吹笛o既時候，o的書或者你o既老師都會教你要係咀o既正中做出一個又圓又細o既咀型，然後向笛口吹氣，但係呢個咀型並非所有人都可以輕易做得到，我就係其中一個做唔到，做唔到o既人吹o既時候聲音會冇咁好聽，而且經常有氣聲，我當然知道，亦都好同意俾心機練習係可以解決呢個問題，所以我先會繼續學長笛。

2007-10-07 11:28:38 補充：
我的確見過一個人好輕易已經做到呢個咀型，我指佢學左幾個月已經吹得好好聽，好聽o既意思並唔係話技巧上做得好，已經可以吹到演奏級程度o個種好聽，只係『音色』吹得好通透，冇氣聲，當然技巧、指法仲有待鑽研。呢個人學左幾個月就已經可以掌握吹長笛o既『音色』係因為佢天生有有利因素，咀型適合。其實某一o的身體特徵對學樂器係有利，好似學琴，手指長係有利o的;學小號，門牙整齊唔漏風係有利o的。

2007-10-07 11:28:51 補充：
又好似『音樂事務處』收生咁，唔係你話學咩樂器，佢就會俾你學咩樂器，要經過一輪面試，檢查你o既手指、咀、牙齒、體型等，然後派你去學適合你o既樂器。當然天生有有利因素並唔等如會學得比人好，我亦都唔係話冇優厚條件o既人就唔可以學器，因為我好清楚做任何野唔努力講咩都係冇用。非常抱歉，可能我o既文字表達得差，所以下面o個位先有咁多誤會，我再澄清，我覺得唇o既厚度同吹笛係冇關。

唇厚唔厚同困唔困擾冇關係,
識吹牧童笛,再吹長笛其實唔可以話有基礎..
因為嘴型,用氣,指法方面,都各有不同,
吹長笛,最緊要都係3樣野,
指法,氣,睇譜,
指法要多d練...
睇譜,如果有樂器底會好d,
最緊要係氣,
一來要夠氣,
二來要控制到大細聲,強度..
三來要吹到d氣入個窿道,,
仲有好多技巧要學,
老師會教你...
要學既話,係琴行學都已經ok,
一枝長笛大約最便千幾,最貴可以幾萬,(yamaha)

2007-10-06 22:42:11 補充：
我唔係好明上面果位講既野..所謂嘴形,我指唇厚道尼d,其實有分岩唔岩吹嫁咩?我學左咁耐.都冇咩聽人講過尼樣野..可能係我對長笛認識唔夠..但係我覺得只要比心機就一定可以吹得好,,,加上你話有d學幾個月,就可以吹得好好聽..正常尼講頭果幾個月都係學基本功,..嘴型:係睇你控唔控制到,個嘴型岩唔岩,吹唔吹到入去個窿道,集唔集中到..冇話天生岩定唔岩嫁下嗎..最多都只係講有冇天份姐...上面果位可唔可以解答一下..

我個人認為唇厚吹長笛未必會好難,,,
睇你點樣就位啫,,,
況且肯比心機學ge話一定得

其實你話唇厚吹長笛會很困難 呢點我5認同
我都玩過笛 基本只要控制好你個口ge出氣方向就ok
牧童笛ge指法同長笛的好似差5多 都可以話有左基礎