YOKI SIR，煩請指導如何定止賺位?

安德利（８２５９）計數見＄０．９，也是很合理！放長少少，肯定唔止此數！

止不止賺，在乎閣下的投資策略！

本人通常唔會真係等到最高點先至沽貨，因為都要畀啲人賺吓先至得！很多投資老手，都是留左一著畀下家食，好少殺盡！

以我自己，通常我都好少沽晒，通常是留番一半！

原因是當我決定買一隻股票時，我會大手大手買很多很多，我是大口大口咬的，絕不手軟！出擊時我是毫無懼色，總之瞄準佢，就來個獅子撲兔！

但其實，有一半是預左升到某一階段，即未到價時已沽了，雖然肯定知自己不是賺盡！但賺唔賺盡，好多時都是事後先至知！

我最看重是風險管理，基本上很多股票我已鎖定左利潤，所以我唔怕佢高位〔郎〕我，因為計落條數，我已賺硬，問題是賺幾多的問題，就算某隻股未能再上，我都是賺或者只是微蝕！

股神畢菲特教落，投資第一部就是要自己唔輸錢，毛主席打蔣介石的時候，第一個目標就是唔畀國民黨纖滅！

我可以告訴你，我都有些是蝕錢，但應該是少過一成機會，蝕的原因不是隻股唔得，而是我等唔到咁耐，有些快開車的，蝕少少即刻換馬！

我肯止蝕！相反，我就好少止賺，佢越升而又未到價的時候，我會不停咁追，好似我買１３３一樣，已經有１７注了！

我買安德利（８２５９）是在除淨前，仲要係星期五，即是除淨前對上一個星期五，最後入閘的時間上車的，我買了不少，也毫不心怯！

風險管理是炒股的最重要的課題，要長期保持自己頭腦清晰，當人人雄心勃勃的時候，就要更加小心！當人人無心戀戰的時候，往往又是山窮水盡疑無路，柳暗花明又一村！

人生同炒股，基本上都是差不多的！

YOKI WONG
圖片參考：http://hk.yimg.com/i/icon/16/1.gif

如果你持股量少,一般都會全部放晒,因為手續費都係返到
但如果你有咁上下股數係到,可以睇下一次過放晒同分開放手續費差多少
因為若果你手續費都幾貴